ഹൃദയം തിരഞ്ഞ സ്വപ്നങ്ങൾ 6 [സ്പൾബർ] [Climax] 473

 

 

രണ്ടാളും വീണ്ടും വണ്ടിയിൽ കയറി.. ശോഭ വണ്ടി വിട്ടു..ഇത്തവണ സേതൂന് അവളെ ചുറ്റിപ്പിടിക്കാൻ പറ്റിയില്ല.. അവന്റെ രണ്ട് കയ്യിലും സാധനങ്ങളായിരുന്നു..

 

 

വീടിന്റെ ഗേറ്റിന് മുന്നിൽ ശോഭ വണ്ടി നിർത്തി.. പരിസരത്തൊന്നും ഒരു മനുഷ്യ ജീവിയും ഇല്ല..

 

 

“” സേതൂ… ഇറങ്ങ് കുട്ടാ… “..

 

 

സേതു കവറും പിടിച്ച് ഇറങ്ങി.. ശോഭയും..ഒരു കവർ അവൾ വാങ്ങി..

 

 

“” മിണ്ടാതെ എന്റെ പിന്നാലെ വാ… “..

 

 

വണ്ടി അവിടെ വെച്ച് പതിയെ ഗേറ്റ് തുറന്ന് ശോഭ മുറ്റത്തേക്ക് കയറി.. പിന്നാലെ സേതുവും.. വീടിന് മുൻപിൽ വെളിച്ചം കത്തി നിന്നിട്ടും ഒരു പരിഭ്രമവുമില്ലാതെയാണ് ശോഭ നടന്നത്.. വീടിന്റെ ഒരു വശത്തേക്കാണവൾ നടന്നത്.. അതിലൂടെ പിന്നിലേക്കും.. വീടിന്റെ പിന്നിൽ വെളിച്ചം കുറവാണ്.. സേതൂന്റെ കയ്യിൽ പിടിച്ച് അവൾ പിന്നിലുള്ള ചായ്പ്പിലേക്ക് കയറി..

 

 

“” ഇവിടെ മിണ്ടാതെ നിന്നോണം… ഞാൻ കുറച്ച് കഴിഞ്ഞ് അടുക്കളയുടെ വാതിൽ തുറന്ന് നിന്നെ അകത്തേക്ക് കയറ്റാം…””..

 

 

സേതൂന് ഒന്നും പറയാനുണ്ടായിരുന്നില്ല..

ശോഭ ചായ്പ്പിൽ നിന്നിറങ്ങി വീടിനെ ചുറ്റി മുൻവശത്തേക്ക് വന്നു.. പിന്നെ ഒരു കൂസലുമില്ലാതെ ഗേറ്റ് കടന്ന് തന്റെ വണ്ടിയെടുത്തു.. ഓടിച്ച് പോർച്ചിൽ കൊണ്ട് ചെന്ന് നിർത്തി അവളിറങ്ങിവന്ന് ഗേറ്റടച്ച് കുറ്റിയിട്ടു..

 

 

കോളിംഗ് ബെല്ലടിച്ചതും അമ്മ വന്ന് വാതിൽ തുറന്നു..

 

 

“”നിനക്ക് വിളിക്കാനൊരുങ്ങിയതാ മോളേ… അപ്പഴേക്കും എത്തിയല്ലോ… അവൾക്കെങ്ങിനെയുണ്ട് മോളേ…?”..