ഇൻസ്റ്റാഗ്രാം ഫോട്ടോഗ്രാഫർ 2 Hansubeey [ഗില്ലി ബാല] 🌺 94

.
​”എടാ മോനേ… നിന്റെ കളി നിന്റെ വീട്ടിൽ മതി. ഒരു പെണ്ണ് വേണ്ട എന്ന് പറഞ്ഞാൽ അവിടെ തീർക്കണം,” ഞാൻ ശാന്തമെങ്കിലും കടുപ്പത്തിൽ പറഞ്ഞു.

​”നിനക്കിത് എന്തിന്റെ കേടാടാ കിളവാ!” അവൻ അലറിക്കൊണ്ട് എന്റെ നേരെ ഒരു പഞ്ച് ചെയ്യാൻ ശ്രമിച്ചു..

​ഞാൻ ഒഴിഞ്ഞുമാറി. എന്റെ അനുഭവസമ്പത്തും ജിമ്മിൽ കരുപിടിപ്പിച്ച മസിലുകളും വെറുതെ ഇരിക്കാനല്ലല്ലോ. അവന്റെ ആ പതറിയ കൈ തട്ടി മാറ്റി ഞാൻ അവന്റെ താടിക്ക് നോക്കി നല്ലതൊന്ന് കൊടുത്തു. പിന്നാലെ വയറിന് താഴെ ഒരു തൊഴിയും.

​അവൻ കമിഴ്ന്നടിച്ച് ടറസ്സിൽ വീണു. ലഹരിയുടെ പുറത്ത് കിട്ടിയ ആ ഇടിയിൽ അവൻ എഴുന്നേൽക്കാൻ പോലുമാകാതെ അവിടെ കിടന്നു പിടച്ചു. ഹൻസുബി വിറയ്ക്കുന്ന കൈകളോടെ തന്റെ കോസ്റ്റ്യൂമിന്റെ സിപ്പ് വലിച്ചുകയറ്റി..
അവളുടെ കണ്ണുകളിൽ ഇപ്പോൾ കാമമല്ല, കത്തുന്ന കോപമായിരുന്നു.

​അവൾ താഴേക്ക് നോക്കി ഉറക്കെ വിളിച്ചു.

“ഗയ്സ്! എവരിവൺ കം അപ്പ് ഹിയർ നൗ!”
​അല്പസമയത്തിനുള്ളിൽ താഴെ മദ്യപിച്ചും ഡാൻസ് കളിച്ചും ഇരുന്നവർ ഓടിപ്പിടിച്ചു മുകളിലെത്തി. നിലത്ത് വീണു കിടക്കുന്ന അലക്സിനെയും കത്തുന്ന കണ്ണുകളോടെ നിൽക്കുന്ന ഹൻസുബിയെയും കണ്ട് അവർ അമ്പരന്നു.

​”ഇവനെ എടുത്തുകൊണ്ട് ഇപ്പൊ ഇറങ്ങിക്കോണം ഇവിടുന്ന്! നിങ്ങളെല്ലാവരും!” അവൾ ഓരോരുത്തരെയും വിരൽ ചൂണ്ടി പറഞ്ഞു. “ഇനി ഈ പരിസരത്ത് നിങ്ങളെ കണ്ടു പോകരുത്. ഗെറ്റ് ഔട്ട്!”

​അവളുടെ ആ ആജ്ഞാപിതമായ സ്വരം കേട്ട് ആരും എതിർക്കാൻ നിന്നില്ല. അവർ അലക്സിനെ താങ്ങിപ്പിടിച്ച് പതുക്കെ താഴേക്ക് കൊണ്ടുപോയി. തങ്ങൾ ചെയ്തത് അതിരുവിട്ടുവെന്ന ബോധം ലഹരിക്കിടയിലും അവർക്ക് തോന്നിയിരിക്കണം.
​ടറസ്സിൽ വീണ്ടും നിശബ്ദത പടർന്നു. ഹൻസുബി തളർച്ചയോടെ ഭിത്തിയിൽ ചാരി ഇരുന്നു.