ഇൻസ്റ്റാഗ്രാം ഫോട്ടോഗ്രാഫർ 2 Hansubeey [ഗില്ലി ബാല] 🌺 94

അവളുടെ ശ്വാസം അപ്പോഴും വല്ലാതെ ഉയരുന്നുണ്ടായിരുന്നു. ഞാൻ പതുക്കെ അവളുടെ അടുത്തേക്ക് നടന്നു.

ആ ബഹളങ്ങളെല്ലാം ഒഴിഞ്ഞുപോയപ്പോൾ ആ വലിയ വീട് പെട്ടെന്ന് ഒരു ശ്മശാനം പോലെ നിശബ്ദമായി. താഴെ നിന്നും കാറുകൾ സ്റ്റാർട്ട് ചെയ്തു പോകുന്ന ശബ്ദവും ദൂരേക്ക് മറഞ്ഞു. ടറസ്സിലെ മങ്ങിയ വെളിച്ചത്തിൽ ഹൻസുബി തളർച്ചയോടെ നിലത്തിരുന്നു. അവളുടെ ആ സ്പൈഡർമാൻ കോസ്റ്റ്യൂം പലയിടത്തും വലിഞ്ഞു മുറുകിയിരുന്നു, മുടിയിഴകൾ മുഖത്തേക്ക് അലസമായി വീണുകിടക്കുന്നു.
​ഞാൻ പതുക്കെ അവളുടെ അടുത്തേക്ക് നടന്നു, തോളിൽ കയ് വെച്ചു. “സാരമില്ല മോളെ… വിട്ടേക്ക്. ലഹരി തലയ്ക്ക് പിടിച്ചാൽ മനുഷ്യൻ മൃഗമാകും.”
​അവൾ പതുക്കെ തലയുയർത്തി എന്നെ നോക്കി. അവളുടെ കണ്ണുകളിൽ നനവുണ്ടായിരുന്നു. “സോറി അച്ചായാ… എനിക്ക് വല്ലാത്ത നാണക്കേട് തോന്നുന്നു. അച്ചായനെ ഇവിടെ എത്തിച്ചിട്ട് ഇങ്ങനെ ഒരു അവസ്ഥ ഉണ്ടാകുമെന്ന് ഞാൻ കരുതിയതല്ല.”

​”അതൊന്നും സാരമില്ല … അവൻ ആരായിരുന്നു? നിന്റെ അത്രയും അടുപ്പമുള്ള ഒരാളാണെന്ന് തോന്നിയല്ലോ,” ഞാൻ പതുക്കെ ചോദിച്ചു.

​അവൾ ഒരു ദീർഘനിശ്വാസം വിട്ടു. “അതായിരുന്നു അലക്സ്. എന്റെ ബോയ്ഫ്രണ്ട്… അല്ലെങ്കിൽ അങ്ങനെയായിരുന്നു ഞാൻ കരുതിയിരുന്നത്. സിനിമയിലും മോഡലിംഗിലും എനിക്ക് കിട്ടുന്ന അവസരങ്ങളെ അവൻ എപ്പോഴും സംശയത്തോടെയാണ് കണ്ടിരുന്നത്. അതുകൊണ്ടാവാം ഇന്ന് അച്ചായനെ കണ്ടപ്പോൾ അവൻ ഇങ്ങനെ പെരുമാറിയത്.”

​അവൾ എഴുന്നേറ്റ് ഭിത്തിയിൽ ചാരി നിന്നു. നഗരത്തിലെ വെളിച്ചത്തിലേക്ക് നോക്കി അവൾ തുടർന്നു. “പക്ഷേ ഇന്ന് അവൻ എല്ലാ പരിധിയും ലംഘിച്ചു. പ്രൊഫഷണലായി വർക്ക് ചെയ്യുന്ന ഒരാളുടെ മുന്നിൽ വെച്ച് സ്വന്തം പെണ്ണിനെ അപമാനിക്കുന്നവനെ എനിക്ക് വേണ്ട. ഈ രാത്രിയോടെ അത് കഴിഞ്ഞു അച്ചായാ… ഇനി അലക്സുമായി എനിക്ക് ഒരു ബന്ധവുമില്ല. ഇറ്റ്സ് ഓവർ.”