ജാതകം ചേരുമ്പോൾ 11 [കാവൽക്കാരൻ] 2486

അവളേ ഒന്ന് ചൊറിയാൻ തന്നെ ഞാൻ തീരുമാനിച്ചു…

“എനിക്ക് കുശുമ്പ് ഒന്നും ഉണ്ടായിട്ടല്ല… നീ തന്നെ ഒന്ന് ആലോചിച്ച് നോക്കിയേ ഒരു കല്ല്യാണം കഴിഞ്ഞ ചെക്കനെ ഓക്കേ നോക്കി വെള്ളമിറക്കുന്നത് അത്ര നല്ല കാര്യം ആണോ…”

അവൾ ചിറികോട്ടി കൊണ്ട് പറഞ്ഞു..

ഓഹ്… എന്നാലും ഞാൻ ഇവളെ സമ്മതിച്ചു എത്രയൊക്കെ ആയാലും ഈ കുരിപ്പ് സമ്മതിച്ചു തരില്ലല്ലോ

“അതിപ്പോ ഞാൻ കല്ല്യാണം കഴിഞ്ഞ പെൺപിള്ളേരെ നോക്കുന്നുണ്ടല്ലോ.. ”

അങ്ങനെ നോക്കുന്നില്ലെങ്കിലും അവളുടെ പ്രതികരണം അറിയാൻ എന്നോണം ഞാൻ പറഞ്ഞു…

പറഞ്ഞതേ ഓർമ ഉള്ളു. കിട്ടി കല്ല്യാണി വക ഒരു സ്പെഷ്യൽ കുത്ത്

സാധാരണ വേദനിക്കാത്ത കുത്ത്‌ ആണ് അവൾ കുത്താറ്. ഇപ്പോഴും വേദനിക്കൊന്നും ചെയ്തില്ലെങ്കിലും ചെറുതായി നൊന്തു..

“എന്താടി… ”

ഞാൻ അവളേ നോക്കി ഒന്ന് അലറി…

“കണ്ടവളുംമ്മാരെ ഓക്കേ നോക്കി നടന്നാൽ കൊല്ലും പന്നി നിന്നെ… ഞാൻ.. ”

അതും പറഞ്ഞ് അവൾ എന്റെ കയ്യിൽ നിന്നും കുട വാങ്ങി നടന്നു…..

സഭാഷ്…..

നല്ല മഴ ആയതിനാൽ ഒരു നിമിഷം നേരം പോലും വേണ്ടി വന്നില്ല നനയാൻ.

അത്കൊണ്ട് തന്നെ നല്ല വൃത്തിക്ക് തന്നെ നനഞ്ഞു…നനഞ്ഞു എന്നൊക്കെ പറഞ്ഞാൽ കുറഞ്ഞു പോവും കുളിച്ചു എന്ന് പറയുന്നതാവും ശരി

കാറിന്റെ അടുത്ത് എത്തിയെങ്കിലും എന്ത് കാര്യം…

കൂടുതൽ നേരം അവിടേ നിന്നില്ല… ഇനി നനയാത്ത ഭാഗം ഉണ്ടെങ്കിൽ നമ്മളായിട്ട് എന്തിനാ നനക്കുന്നെ….