ജാതകം ചേരുമ്പോൾ 13 [കാവൽക്കാരൻ] 992

ഞാൻ ചേച്ചിയെ നോക്കി ഒന്ന് കൊള്ളിച്ചാണ് അത് പറഞ്ഞത്….

പക്ഷേ വിചാരിച്ച പോലെ ചേച്ചി വാദിക്കാനോ തർക്കിക്കാനോ ഒന്നും നിന്നില്ല മൗനമായിരുന്നു ഉത്തരം….

“ആ…………………..”

😳

എല്ലാം കഴിഞ്ഞു അവസാനം പോവാമെന്ന് വിചാരിച്ചപ്പോൾ ആയിരുന്നു… ആ നിലവിളി ശബ്ദം ഞങ്ങൾ കേട്ടത്…..

ഒരു നിമിഷം പോലും വേണ്ടി വന്നില്ല ഞങ്ങൾക്ക് ബാക്കിലോട്ട് നോക്കാൻ….

“നീ കേട്ടോ…. ”

ചേച്ചിയുടെ ശബ്ദത്തിൽ ഒരു അത്ഭുതവും പേടിയുമുണ്ടായിരുന്നു….

പക്ഷേ ആ നിലവിളി കേട്ട് തരിച്ചു നിന്ന എനിക്ക് മറുപടി പറയാൻ കഴിഞ്ഞില്ല… കാരണം അത് എന്റെ നന്ദു ചേച്ചിയുടെ ശബ്ദമായിരുന്നു……

“ന… നന്ദുവിന്റെ ശബ്ദമല്ലേ ആ കേട്ടേ…. ”

ചേച്ചി എന്നേ കുലുക്കി വീണ്ടും ചോദിച്ചു…

അതിനുള്ള മറുപടി എന്റെ കണ്ണുകൾ ആയിരുന്നു കൊടുത്തത്…..

ഞാൻ ഫോൺ എടുത്തു നന്ദു ചേച്ചിയേ വിളിക്കാൻ തുടങ്ങി….

റിങ് അടിക്കുന്നുണ്ട് എന്നല്ലാതെ ഫോൺ ആരും എടുത്തില്ല…..

“ചേച്ചി……………. ”

വീട്ടിൽ നിന്നും ചേച്ചിയുടെ ശബ്ദം വീണ്ടും കേട്ടു……

അതും കൂടേ കേട്ടപ്പോൾ ചേച്ചി എന്നെയും തള്ളിമാറ്റി ആ വാതിലിനു നേരേ പാഞ്ഞടുത്തു

വാതിലിന് മുമ്പിൽ എത്തിയ ചേച്ചി കുറച്ചു നിമിഷം ആ കെട്ടിയ ചരടുകളിൽ നോക്കി നിന്നു….

ചേച്ചി കൈ ചരടുകളെ ലക്ഷ്യമാക്കി നീക്കിയതും ഞാൻ ചേച്ചിയുടെ കയ്യിൽ കയറി പിടിച്ചു…..