ജാനി 3 [Fang leng] 250

ജാനി :എനിക്ക് നിന്നോട് സംസാരിച്ച് നിൽക്കാൻ നേരമില്ല എന്റെ അച്ഛനും അമ്മയും എന്നെ കാണാതെ വിഷമിക്കുന്നുണ്ടാകും

ജെയ്സൺ :അതോർത്തു നീ വിഷമിക്കണ്ട നീ കൂട്ടുകാരിയുടെ വീട്ടിലാണെന്ന് നിന്റെ വീട്ടിൽ അറിയിച്ചിട്ടുണ്ട്

ജാനി :നീ എന്താ കാണിച്ചത് അമ്മ ഇന്നെന്നെ കൊല്ലും

ജെയ്സൺ :കുടിച്ച് ലക്ക് കെട്ട നിന്നെ വീട്ടിലെത്തിക്കുന്നതിലും നല്ലത് അതാണെന്ന് എനിക്ക് തോന്നി

ജാനി :അതും ശെരിയാ പക്ഷെ…

പെട്ടെന്ന് ജോൺ അവിടേക്കെത്തി

ജോൺ :സാർ അമ്മ വന്നിട്ടുണ്ട്

ജെയ്സൺ :അമ്മയോ ഇതെന്താ ഒരു മുന്നറിയിപ്പുമില്ലാതെ എല്ലാം കുഴഞ്ഞല്ലോ

ജോൺ :എന്തൊ ലേലവുമായി ബന്ധപ്പെട്ട് വന്നതാ ഇന്നിവിടെ ഒരു ലേലം നടക്കുന്നുണ്ട്

ജെയ്സൺ :ശെരി അങ്കിൾ എന്ത്‌ വന്നാലും അമ്മയെ മുകളിലേക്ക് വിടരുത് ഞാൻ ഉടനെ താഴേക്ക് വരാം

ജോൺ :ശെരി സാർ എന്നാൽ ഞാൻ പോകുന്നു

ജാനി :ഇവിടെ എന്തൊക്കെയാ ഈ നടക്കുന്നത് എനിക്ക് വീട്ടിൽ പോകണം ഞാൻ പോകുകയാ

ജെയ്സൺ :എന്റെ പൊന്ന് ലാൻഡ്രി എന്നെ ചതിക്കരുത് നീ ഇപ്പോൾ ഈ കോലത്തിൽ അങ്ങോട്ടേക്ക് പോയാൽ എന്റെ കാര്യം തീരുമാനമാകും

ജാനി :അതൊന്നും എനിക്കറിയണ്ട എനിക്ക് വീട്ടിൽ പോണം

ജെയ്സൺ :ഞാൻ നിന്നെ ഒരുപാട് സഹായിച്ചതല്ലേ ജാനി പ്ലീസ് ഈ ഒരു തവണ എന്നെ ഒന്ന് സഹായിക്ക്

ജാനി :ഇത് വല്ലാത്ത കഷ്ടമായല്ലോ ശെരി ഞാൻ എന്താ ചെയ്യെണ്ടത്‌

ജെയ്സൺ :നീ ഒന്നും ചെയ്യണ്ട എല്ലാം ഇവിടുത്തെ ജോലിക്കാർ ചെയ്തോളും നീ ഒന്ന് സഹകരിച്ചാൽ മതി എന്നാൽ ഞാൻ പുറത്ത് നിൽക്കാം

ജാനി റൂമിനുള്ളിൽ കാത്തുനിൽക്കാൻ തുടങ്ങി

“എല്ലാം എന്റെ സമയ ദോഷം അല്ലെങ്കിൽ എനിക്ക് ഇങ്ങനെയൊക്കെ സംഭവിക്കുമോ ഇനിയിപ്പോൾ വരുന്നത് വരട്ടെ ”

പെട്ടെന്ന് ഒരുകൂട്ടം ജോലിക്കാർ റൂമിനുള്ളിലേക്കെത്തി

“മാഡം ഞങ്ങൾ മാഡത്തെ ഒരുക്കാൻ വന്നതാണ് ”

ജാനി :മാഡമോ ഞാനോ?

അല്പസമയത്തിനു ശേഷം റൂമിന് പുറത്ത് ജെയ്സൺ

“നേരം കുറേ ആയല്ലോ അവളിതുവരെ റെഡി ആയില്ലേ അമ്മയെങ്ങാനും ഇങ്ങോട്ടേക്ക് വന്നാൽ എല്ലാം കുളമാകും ”

പെട്ടെന്ന് റൂമിന്റെ വാതിൽ തുറന്ന് ജാനി പുറത്തേക്ക് വന്നു