ജീവന്റെ അമൃതവർഷം 1 [ഏകൻ] 153

 

“ഞാനോ !!!? പോടി ചേച്ചി പെണ്ണേ.. ഇത് ചെക്കനോട് പറയേണ്ടത് പെണ്ണ് തന്നെയാ….. അതുപോട്ടെ…. ചെക്കന് ഈ പെണ്ണിനെ ഇഷ്ട്ടം ആയോ? ”

 

അമൃത വീണ്ടും നാണിച്ചു ചിരിച്ചു..

എന്നിട്ട് പറഞ്ഞു.

 

“ഇഷ്ട്ടായി.. ”

 

“ആർക്ക്? ”

 

“ജീവേട്ടനും,, ജീവേട്ടന്റെ അമ്മയ്ക്കും.”

 

“അമ്മയ്ക്കും ഇഷ്ട്ടം ആയോ!!!!? അപ്പോൾ അച്ഛനോ? അച്ഛന് ഇഷ്ട്ടായില്ലേ?

 

” അറിയില്ല.. ഒന്നും പറഞ്ഞില്ല… അച്ഛനോട് പറഞ്ഞു കാണും. ഇഷ്ട്ടം ആയെന്ന തോന്നുന്നേ!!. ”

 

“എന്നിട്ട് നമ്മുടെ അച്ഛൻ എന്ത് പറഞ്ഞു? ”

 

“അച്ഛൻ ഒന്നും പറഞ്ഞില്ല… പക്ഷെ അമ്മ പറഞ്ഞു…”

 

“എന്ത് പറഞ്ഞു..?”

 

“നീ വന്നിട്ട്! നിന്നോട് നിന്നോട് സംസാരിച്ചിട്ട് തീരുമാനം ജീവേട്ടനെ അറിയിക്കാൻ പറയാം എന്ന്. ”

 

“ആരറിയിക്കാൻ..? എങ്ങനെ അറിയിക്കാൻ.. പോയി പറയാണോ?”

 

“വേണ്ട. ഇതാ നമ്പർ തന്നിട്ടുണ്ട്. വിളിച്ചു പറഞ്ഞാൽ മതിയായിരിക്കും..” അമൃത ജീവൻ അവിടെ വെച്ചിട്ട് പോയ കാർഡ് കാണിച്ചിട്ട് പറഞ്ഞു.

 

“എന്നാൽ വിളിച്ചു പറഞ്ഞൂടെ.. ഈ പെണ്ണിന് ജീവേട്ടനെ ഇഷ്ട്ടം ആയെന്ന്..?”

 

” അതിനാ നിന്നോട് പറയുന്നേ.. ചേച്ചിയുടെ പൊന്ന് മോളല്ലേ…. പ്ലീസ് ഒന്ന് വിളിച്ചു പറയെടി… ”

 

“അയ്യടാ…. അതങ്ങ് പള്ളികൂടത്തിൽ പോയി പറഞ്ഞാൽ മതി.. ഇതിൽ എനിക്ക് റോൾ ഇല്ല മോളെ.. കെട്ടാൻ പോകുന്ന പെണ്ണ് തന്നെ വിളിച്ചു പറഞ്ഞാൽ മതി.”

 

“എടി ഇത് അങ്ങനെ അല്ല.. ”

 

“എങ്ങനെ ആയാലും എന്റെ അമൃതകുട്ടിച്ചേച്ചി തന്നെ പറഞ്ഞാൽ മതി.”