ജീവന്റെ അമൃതവർഷം 4 [ഏകൻ] 156

“അച്ഛനും അമ്മയും ഇതൊക്കെ അറിഞ്ഞോ?” ഞാൻ ചോദിച്ചു.

“ഏത് അച്ഛനും അമ്മയും എന്റെയോ അതോ വർഷയുടെയോ? ”

“രണ്ടും.. അവരിത് അറിഞ്ഞാൽ എന്നെ വെറുക്കില്ലേ? ചേച്ചിയെ വെറുക്കില്ലേ? എന്തിനാ ജീവേട്ട എന്നെ കൊണ്ട് പോകുന്നത്? ”

“വെറുക്കുന്നവർ വെറുത്തോട്ടെ.. പക്ഷെ എനിക്ക് വെറുപ്പില്ല.. ഇഷ്ട്ടം മാത്രമേ ഉള്ളൂ.. പിന്നെ ആരും അറിഞ്ഞിട്ടില്ല.. അത് കൊണ്ട് ഞാൻ എന്റെ വീട്ടിലേക്കാണ് വർഷയെ കൊണ്ടു പോകുന്നത്. എന്റെ വീട് എന്ന് പറഞ്ഞാൽ ഞാൻ ജോലിചെയ്യുന്ന സ്ഥലത്തുള്ള എന്റെ വീട്ടിൽ.”

“ചേച്ചി അവിടെയാണോ ഉള്ളത്..? ചേച്ചിക്കും എന്നോട് ദേഷ്യം ഇല്ലേ..?

”

“അതേ എന്റെ അമ്മു അവിടെയാ ഉള്ളത്. പിന്നെ തന്റെ ചേച്ചിക്ക് അതായത് എന്റെ അമ്മൂന് തന്നോട് ദേഷ്യം തോന്നുമോ? അവൾക്ക് വേണ്ടിയല്ലേ താൻ….? ”

“ജീവേട്ടൻ എങ്ങനെ ഇത് അറിഞ്ഞു ..? ആരാ ഇത് പറഞ്ഞത് ആര്യ ആണോ? ”

——————–

നിക്ക്… നിക്ക്.. കഥ കുറച്ചു കൂടെ പറയാൻ ഉണ്ട് എന്നിട്ട് അതിന്റെ ഉത്തരം പറയാം. അല്ലെങ്കിൽ കഥയുടെ ഫ്ലോ അങ്ങ് പോകും.

. അന്ന് ജീവൻ വർഷയുടെ വീട്ടിൽ വന്നില്ലേ? ജീവനും വർഷയും അവരുടെ വിവാഹത്തിന്റെ പിറ്റേന്ന് വർഷയുടെ വീട്ടിൽ വന്നില്ലേ. അന്ന് ജീവൻ യഥാർത്ഥ അമൃതയുമായി മുറിയിൽ കയറിയ ശേഷം ഉള്ള കഥ അത് കൂടെ പറഞ്ഞിട്ട് പറയാം. ആ സമയം ജീവനും വർഷയും അവരുടെ യാത്ര തുടർന്നോട്ടെ…

ജീവൻ അമൃതയുടെ കൂടെ ആ റൂമിൽ കയറി. ജീവൻ അമൃതയെ കെട്ടിപിടിച്ചു. അമൃത ആദ്യം ഞെട്ടിയെങ്കിലും. വർഷ പറഞ്ഞത് പോലെ നിന്നുകൊടുത്തു.