ജീവന്റെ അമൃതവർഷം 4 [ഏകൻ] 156

“അയ്യേ!! ഈ രാവിലെയോ.. ഇവിടെ എല്ലാവരും എഴുന്നേറ്റു.?”

“പിന്നെ!! രാവിലെയാ ഇതിന് ഏറ്റവും നല്ല സമയം.. അറിയോ ? വാ നമുക്ക് നോക്കാം? ”

അയ്യേ.. അമ്മ ഇപ്പോൾ വരും.. ചായ കൊണ്ട്.

“ചായയൊക്കെ പിന്നെ കുടിക്കാം അമ്മു. നീ വന്നേ..”

“ഏട്ടാ.. നമുക്ക് പിന്നെയാകാം ഇന്ന് രാത്രിയിൽ.. ഏട്ടന് വേണ്ടതൊക്കെ ചെയ്യാം.. എനിക്ക് ഇഷ്ട്ടമാ ഏട്ടൻ എന്ത് ചെയ്താലും..”

“എനിക്ക് വേണ്ടതല്ല നമുക്ക് വേണ്ടത്.. അങ്ങനെ വേണം പറയാൻ റെഡിയല്ലേ..?”

“മ് ” മൂളി എന്നിട്ട് ചിരിച്ചു .

അപ്പോഴേക്കും അമ്മ ചായയുമായി വന്നു.

“ഞാൻ എടുത്തു കൊണ്ട് വരുമായിരുന്നല്ലോ അമ്മേ.. അമ്മ എന്തിനാ ചായ എടുത്തു കൊണ്ട് വന്നത്.” ഞാൻ ചോദിച്ചു.

“ഓ! എന്റെ മോന് ഒരുദിവസം ചായ കൊണ്ട് വന്നു കൊടുത്തു എന്ന് കരുതി ഒന്നും വരാൻ പോകുന്നില്ല. ഇന്നാ മോന് നീ തന്നെ കൊടുത്തോ..ഞാൻ പോകുകയാ..”

അമ്മ എന്റെ കൈയിൽ ചായ തന്നിട്ട് അടുക്കളയിലേക്ക് പോയി. ഞാൻ ആ ചായ ജീവേട്ടന് കൊടുത്തു.

ജീവേട്ടൻ ആ ചായ വാങ്ങി കുടിച്ചു.

ഞാനും അടുക്കളയിലേക്ക് പോയി. കുറച്ചു കഴിഞ്ഞപ്പോഴേക്കും ജീവേട്ടൻ കുളിച്ചു വേഷം മാറി വന്നു. പിന്നെ ചായകുടിയും കളിയും ചിരിയുമായി സമയം കടന്നു പോയി. പിന്നെ ഞാൻ ജീവേട്ടന്റെ കൂടെ ജീവേട്ടന്റെ വീട്ടിലേക്ക് പോയി. പോകുന്നതിന് മുൻപ് അച്ഛന്റെയും അമ്മയുടെയും കാല് തൊട്ട് അനുഗ്രഹം വാങ്ങി. വർഷയെ കെട്ടിപിടിച്ചു കരഞ്ഞു . ഞാൻ ജീവേട്ടന്റെ കൂടെ കാറിൽ കയറി യാത്രയായി. വർഷ അത് നോക്കി നിന്നു.