ജീവിതം നദി പോലെ…10 [Dr.wanderlust] 250

“ദേ പെണ്ണേ സെന്റി അടിക്കല്ലേ..” ഞാനവളുടെ കവിളിലൂടെ ഒഴുകിയ കണ്ണീർ തുടച്ചു കൊണ്ടു പറഞ്ഞു.

“ഇതിൽ കൂടുതൽ ഒന്നും ഒരു പെണ്ണും ആഗ്രഹിക്കുന്നില്ലടാ.” അവളെന്റെ നെഞ്ചിലേക്ക് ഒന്ന്‌ കൂടി പറ്റിച്ചേർന്നു.

“നീയെനിക്ക് വെറും 55 കിലോ മാംസം മാത്രമാണെന്ന് തോന്നിയോ പെണ്ണേ? നിന്നെ ഞാൻ കൊണ്ടു നടക്കുന്നത് ഈ ചങ്കിനുള്ളിലാ. എന്തൊക്കെ വന്നാലും അതിനൊരു മാറ്റമുണ്ടാകില്ല..”

“അജൂ…” അവളെന്നിലേക്ക് വീണ്ടും പറ്റിച്ചേർന്നു.

“കിടന്നുറങ്ങേടി പെണ്ണേ… ഞാനുണ്ടാകും…” ഞാനവളെ മെല്ലെ ചേർത്തു പിടിച്ചു. എന്റെ നെഞ്ചിലെ ചൂട് കൊണ്ടവൾ മെല്ലെ ഉറക്കം പിടിച്ചു. ഞാനും പതിയെ ഉറങ്ങി.

രാവിലെ ഉണർന്നപ്പോൾ എന്റെ കൈത്തണ്ടയിൽ കൈ ചുറ്റി നെഞ്ചിൽ തന്നെ കിടന്നുറങ്ങുകയായിരുന്നു സമീറ. ഞാൻ സമയം നോക്കി അഞ്ചരയാകുന്നതേ ഉള്ളൂ.

ഒരു കുഞ്ഞിനെ പോലെ നിഷ്ങ്കളങ്കമായി കിടന്നുറങ്ങുന്ന അവളെ കണ്ടപ്പോൾ എന്റെ ചുണ്ടിൽ ഒരു പുഞ്ചിരി വിരിഞ്ഞു. ഞാൻ മെല്ലെയാ നെറ്റിയിൽ ഒരുമ്മ കൊടുത്തു.

“മ്ഹും ” അവളൊന്ന് കുറുകി പിന്നെ ഒന്നൂടെ ചേർന്ന് കിടന്നു.

ആരാണിവൾ??? ഒരു രാത്രിയിൽ ഒരു കുപ്പി കള്ളിന്റെ പുറത്തു തോന്നിയോരാവേശം, ആരെയും കൊതിപ്പിക്കുന്ന വെണ്ണ പോലുള്ള ഉടലിനോട് തോന്നിയ കാമം, ഇന്നവളെന്റെ നെഞ്ചിൽ ചേർന്നു കിടക്കുമ്പോൾ തോന്നാത്തതെന്തേ?

അറിയില്ല… സ്വന്തം മകൾ നെഞ്ചിൽ ചേർന്നു കിടക്കുമ്പോൾ ഒരച്ഛനനുഭവിക്കുന്ന നിർവൃതിയും, സ്നേഹവും വാത്സല്യവും മാത്രമാണെനിക്ക് തോന്നുന്നത്..