ജീവിതം നദി പോലെ…11 [Dr.wanderlust] 401

“ഡ്രസ്സ്‌ കടയിൽ നിന്ന് എടുത്താൽ പോരേ?”

“അയ്യോ അത് വേണ്ട നമുക്ക് ഒരുമിച്ചു പുറത്തു പോയി വരാം…”

“ഓഹോ അപ്പൊ ഡ്രൈവർ ആക്കാനാണോ?”

“യ്യോ അല്ല.. ”

“പിന്നെ…”

“പിന്നെ… ഓഹ്ഹ് ഇക്കയ്ക്ക് അറിയാത്ത പോലെ..”

“ആ എനിയ്ക്ക് പലതും അറിയാം..”

“ആ അതൊക്കെ അറിഞ്ഞിട്ട് എന്താ കാര്യം?”

“കാര്യമൊക്കെയുണ്ട്…ശനിയാഴ്ച നോക്കാം..”

“ബൈ ഇക്ക..”

“ബൈ..”

ഞാൻ ഫോൺ വച്ചു. അന്നത്തെ സംഭവത്തിന്‌ ശേഷം ഐഷു പതിവായി ചാറ്റ് ചെയ്യും, ഇടയ്ക്ക് വിളിക്കും. അവളുടെ സംസാരത്തിൽ നിന്ന് അവൾക്ക് എന്നോട് ഒരു താല്പര്യമുണ്ട് എന്ന് ഉറപ്പാണ്. അവളത് പറയാതെ പറയുന്നുണ്ട് പല തവണയായി. കഴിഞ്ഞ കുറച്ചു ദിവസമായി അതിന്റെ ഫ്രീക്വൻസി കൂടുതലാണ് . സ്റ്റെപ്പിൽ കാലൊച്ച കേട്ടു. സമീറയാണ്. എന്റെ ചുണ്ടിലൊരു ചിരി വിരിഞ്ഞു.

————————————————————-

 

“സമീറ ”

“എന്താടാ?”

“ഞാൻ ഒന്ന്‌ പുറത്തേക്ക് പോകുവാ.. നോക്കിക്കോണം..”

“ഉം.. എവിടെക്കാ?”

“ഒന്ന്‌ രണ്ടു കാര്യങ്ങൾ ഉണ്ട്.. ഇന്നിപ്പോ എല്ലാരും ഉണ്ടല്ലോ ഞാൻ അതൊക്കെ തീർത്തിട്ട് വരാം.”

“ഉം.. ശരി പോയി വാ..” നിറഞ്ഞൊരു പുഞ്ചിരിയോടെ അവൾ പറഞ്ഞു.

ആ നിഷ്കളങ്കമായ പുഞ്ചിരി കണ്ടപ്പോൾ എനിക്കൊരു കുറ്റബോധം തോന്നി. ഞാൻ തല കുനിച്ചു പുറത്തേക്ക് നടന്നു.

 

വണ്ടിയിൽ കയറിയപ്പോൾ വീണ്ടും ഫോൺ ബെല്ലടിക്കുന്നു. ചെറിയൊരു ഈർഷ്യയോടെ ഞാൻ ഫോണെടുത്തു നോക്കി. അക്കച്ചിയാണ്,

“ഹലോ അജൂ…”

“എന്താടി അക്കച്ചി മോളെ..?”

“ഇന്ന് വരുന്നോ?”

“ഇന്ന് ശനിയാഴ്ച അല്ലേ? പിള്ളേരില്ലേ?”