ജെസ്സി മിസ്സ് 10 [ദുഷ്യന്തൻ] 288

പെട്ടെന്ന് കണ്ണൻ ചേട്ടൻ എൻ്റെ പുറത്ത് ഒന്ന് തട്ടിയിട്ട് വെളിയിലേക്ക് ഇറങ്ങി. എന്നെയും കൂടെ വിളിച്ചതാണെന്ന് ഉറപ്പ് വന്നപ്പോ ഞാനും പോയി.

പുറത്ത് ഗേറ്റ് ഇറങ്ങി പോകുന്ന ചേട്ടൻ്റെ അടുത്തേക്ക് ഞാൻ ഓടി ചെന്നു. നടന്ന് ഇടവഴി കഴിഞ്ഞ് റോഡിന് സൈഡിലുള്ള ഒരു മരത്തിൻ്റെ ചോട്ടിൽ എത്തിയപ്പോ നടത്തം നിന്നു.

“ ടാ.. നിൻ്റെ ആ ടീച്ചറുടെ കര്യമെന്താ എന്നോട് പറയാഞ്ഞെ.. ”
ഇട്ടിരുന്ന കാർഗോ പാൻ്റിൻ്റെ പോക്കെറ്റിൽ നിന്ന് ഒരു പാക്കറ്റ് സിഗരറ്റും ലൈറ്ററും കയ്യിട്ട് എടുത്തുകൊണ്ട് ചേട്ടൻ ചോദിച്ചു.

“ എന്ത്.. പറഞ്ഞില്ലെന്ന്??”
“ ആ പെണ്ണിന് ആരുമില്ലെന്ന്..”

“ അപ്പോ രാധാമ്മ പറഞ്ഞിട്ടില്ലേ??”

“ അമ്മ പറഞ്ഞർന്നു. പക്ഷേ ആരുമില്ലെന്ന് പറഞ്ഞപ്പോ ഞാൻ വിചാരിച്ചത് എല്ലാരും മരിച്ചുപോയതോ വല്ലോം ആകുമെന്നാ..”

“ ഓ.. അങ്ങനെ.. ”

“ നീയുമായിട്ട് എങ്ങനാ?? ”

“ ഏ.. എന്താ.!!!?? ”
അൽപ്പം പരുങ്ങിയാണ് ഞാനത് ചോദിച്ചത്.

“ അല്ല.. നല്ല കൂട്ടാണോ എന്ന്?? ”

’“ പിന്നേ.. മിസ്സിന് ഏറ്റവും ഇഷ്ടം എന്നെയാണെന്ന പറഞ്ഞേ.. അമ്മക്കും രാധാമ്മക്കും എല്ലാർക്കും മിസ്ഡിനെയും ഇഷ്ടമാ. അതെല്ലാം ഞാൻ കാരണമാ കിട്ടിയതെന്നാ മിസ്സ് പറയുന്നത്. ”

“ അവിടെ അങ്ങനൊരു സീൻ ഉണ്ടാകുമെന്ന് ഞാൻ തീരെ പ്രതീക്ഷിച്ചില്ല. അതിരുന്ന് കരഞ്ഞപ്പോ എന്തോ ആ ഒരു മൂഡ് അങ്ങ് പോയി. എങ്ങനെയെങ്കിലും എൻ്റെയും ജെനിയുടെയും കാര്യം ഒന്ന് സെറ്റ് ആക്കണം. അല്ലേൽ പണിയാകും. ”

“ എന്ത് പണി.??? ”

“ നിനക്കൊന്നും മനസ്സിലായില്ലേ.. എൻ്റെ അമ്മക്ക് നിൻ്റെ ടീച്ചറെ മറുമോളായിട്ട് കിട്ടിയാ കൊള്ളാമെന്ന്.”