ഭക്ഷണം കഴിച്ച് കൈ കഴുകി എണീറ്റ ജഗുവും ജയരാമനും അന്നപൂർണയും പുറത്തേക്ക് ഇറങ്ങി കാറിൽ കയറുമ്പോളാണ് ഒരു ബാഗ് അകത്ത് വെച്ച് മറന്ന വിവരം അന്നപൂർണ ശ്രദ്ധിച്ചത്.
ജയേട്ടാ ഒരു ബാഗ് അവിടെ ഇരിക്കുവാണ് ഞാൻ എടുത്തിട്ട് വരാം. അവള് അകത്തേക്ക് ബാഗ് നോക്കിപോയി.
പെട്ടെന്നാണ് ഒരു തണ്ടർ ബേഡ് ബൈക്കിൽ അവൻ അവിടെ വന്നത്. നേരെ ജഗുവിൻ്റെയും ജയറാമൻ്റെയും ഇടയിലേക്ക് നിർത്തി അവൻ അടുത്തേക്ക് ചെന്നു.
ജഗു : ആഹാ നീ ഇത്ര പെട്ടെന്ന് വന്നോ .
അവൻ : അതൊരു ചെറിയ പരിപാടി ആയിരുന്നു
ജഗു: ജയരാമ ഇതാണ് നമ്മുടെ ഫ്ലാറ്റിൻ്റെ ഓണർ .
അവർ പരസ്പരം പരിചയപെട്ടു . ബാഗ് എടുത്ത് വന്ന അന്നപൂർണ അവിടെ നിന്ന മൂന്നാമൻ്റെ പിൻഭാഗമാണ് കണ്ടത്.
അവരുടെ ഇടയിലേക്ക് വന്ന അവളെ ജയരാമൻ അവന് പരിചയപ്പെടുത്താൻ ഒരുങ്ങി.
അവൻ : അന്നപൂർണ ടീച്ചർ!!!
അവള് ഒന്ന് ഞെട്ടി താൻ ടീച്ചർ ആയിരുന്ന കാര്യം ഇവന് എങ്ങനെ.?
പെട്ടെന്നാണ് നെറ്റിയിലെ പുരികത്തിൻ്റെ അവിടെ ഒരു പാട് ശ്രദ്ധയിൽ പെട്ടത്.
അന്നപൂർണ: മുബാറക്. ….
ജയരാമനും അൽഭുതമായി. അവൻ്റെ പേര് ഇവള്ക് എങ്ങനെ മനസ്സിലായി
മുബാറക്: ടീച്ചറായിരുന്നു വരുന്നത് എന്നറിഞ്ഞില്ല.
ജഗു: ടീച്ചറോ ? കാര്യമറിയാതെ അയാൽ പൊട്ടനായി.
മുബാറക്: എന്നെ പത്തിൽ ഇംഗ്ലീഷ് പഠിപ്പിച്ച ടീച്ചറാണ്.
അന്നപൂർണയും ചിരിച്ചു. നിന്നെ ഞാൻ ഇവിടെ പ്രതീക്ഷിച്ചില്ല. പൊക്കം വെച്ച് ആൾ ആകെ മാറി പോയല്ലോ.
ജയരാമനാദ്യമായാണ് ആദ്യമായി കാണുന്ന ഒരാളോട് തൻ്റെ ഭാര്യ ചിരിച്ച് സംസാരിക്കുന്നത് കാണുന്നത്. എന്തായാലും അതൊരു നല്ല കാഴ്ച ആയിരുന്നു . പഴയ വിദ്യാർത്ഥിയും ടീച്ചറും കണ്ട് മുട്ടിയത്.
