കടുംകെട്ട് 11 [Arrow] 1568

” നീ ഈ ഒരാഴ്ചത്തേക്ക് വല്ല പ്ലാനും ചെയ്തിട്ടുണ്ടോ?? ” ഞാൻ പ്രതീക്ഷിച്ച ചോദ്യം അല്ല അച്ഛനിൽ നിന്ന് വന്നത്

” ഏ?? ” പെട്ടന്ന് ഒരുപാട് ചോദ്യങ്ങൾക്ക് ഒക്കെ ഉത്തരം ഉണ്ടാക്കാൻ ഹൈ സ്പീഡിൽ ഓടിക്കൊണ്ട് ഇരുന്ന എന്റെ ബ്രെയിൻ ഒന്ന് സ്റ്റക്കായി. ഞാൻ ചോദ്യചിഹ്നത്തോടെ അച്ഛനെ നോക്കി.

” ഈ ഒരാഴ്ച നീ ഫ്രീ ആണോന്ന്? ” അച്ഛൻ ഒന്നൂടെ എടുത്തു ചോദിച്ചു.

” ആഹ് ” അച്ഛൻ എന്താണ് ഉദ്ദേശിക്കുന്നത് എന്ന് മനസിലാവാതെ ഞാൻ അവ്യക്തമായ മറുപടി കൊടുത്തു.

” mm ” അച്ഛൻ ഒന്ന് മൂളി. പിന്നെ ഗൗരവത്തിൽ എന്നെ നോക്കി തുടർന്നു.

” ഇനി നിനക്ക് പ്ലാൻ വല്ലതും ഉണ്ടേൽ മാറ്റി വെച്ചോണം, ഇന്ന് നീ ആരുമോളേം കൂട്ടി അവളുടെ വീട്ടിൽ പോണം, പോയാ മാത്രം പോരാ ഒരു ആഴ്ച എങ്കിലും അവിടെ നിൽക്കണം ” അച്ഛൻ കടുപ്പിച്ചു പറഞ്ഞു.

” അച്ഛാ.. അത് ഞാൻ.. ” ഞാൻ ഒന്ന് സ്റ്റക്ക് ആയി, എന്തേലും ഒഴിവ് പറയാൻ പറ്റുന്നതിന് മുന്നേ അച്ഛൻ വട്ടം ഉടക്കി.

” നീ തട്ടാമുട്ട് ഒന്നും ഒപ്പിക്കണ്ട. കല്യാണം കഴിഞ്ഞിട്ട് ഒരു ദിവസം മാത്രമല്ലേ നീ അവളുടെ വീട്ടിൽ പോയിട്ടുള്ളൂ, ആ കുട്ടിക്കും വീട്ടിൽ നിക്കാൻ ഒക്കെ ആഗ്രഹം കാണില്ലേ. നീ ഇല്ലായിരുന്ന ടൈമിൽ ഒക്കെ ഒരിക്കൽ പോലും ആരുമോൾ ആ കുട്ടിയുടെ വീട്ടിൽ പോയിട്ടില്ല. എങ്ങനെ പോവും നീ എവിടാ വിളിച്ചോ എന്നൊക്ക അവർ ചോദിക്കുമ്പോൾ എന്ത് മറുപടി കൊടുക്കാനാ ആ പാവം. ഇപ്പൊ എന്തായാലും  മോൾക്ക് ഒരു ചേഞ്ച്‌ വേണം. ഞാൻ ഗോപനെ വിളിച്ചു പറഞ്ഞു. രണ്ട് പേരും വേഗം ഇറങ്ങാൻ നോക്ക് ” അച്ഛൻ തറപ്പിച്ചു പറഞ്ഞു. ഊരാൻ പറ്റില്ലന്ന് മനസ്സിലായപ്പോൾ ഞാൻ തല കുലുക്കി സമ്മതിച്ചു.

“Puff ” എന്റെ മട്ടും ഭാവവും മൂളലും ഒക്കെ കണ്ട് അച്ചുവിന് ചിരി പൊട്ടി. ഞാൻ അവളെ നോക്കി. അന്നേരം അവൾ അകത്തേക്ക് ഓടി. പുറകെ ഞാനും.