കടുംകെട്ട് 4 [Arrow] 2917

” അത്‌ ചേട്ടായിയുടെ അമ്മ ആണ് ”

പെട്ടന്ന് കേട്ടപ്പോ ഞാൻ ഒന്ന് ഞെട്ടി, തിരിഞ്ഞു. അച്ചു ആണ്. ഞാൻ ഒന്ന് ശ്വാസം വലിച്ചു വിട്ടു.

” ആരാ ഈ ഫോട്ടോയിൽ കുത്തി വരച്ച് ഇട്ടത്?? ”

” ചേട്ടായിതന്നെ, ചേട്ടായിക്ക് ചേട്ടെടെ അമ്മയെ ഇഷ്ടം അല്ല അത്‌ കൊണ്ടാ ”

” ചേട്ടായിയുടെ അമ്മ?? ” രണ്ടു തവണയും അച്ചു ചേട്ടായിയുടെ അമ്മ എന്ന് എടുത് എടുത്തു പറഞ്ഞത് കൊണ്ട് ഞാൻ ചോദ്യഭാവത്തിൽ ചോദിച്ചു

” oh, ചേച്ചിക്ക് അറിയില്ലല്ലേ, ഞാൻ ചേട്ടായിയുടെ സ്വന്തം പെങ്ങൾ അല്ല, സ്റ്റെപ് സിസ്റ്റർ ആണ്. എന്റെ അമ്മയെ അച്ഛൻ രണ്ടാമത് കെട്ടിയത് ആണ് ”

അച്ചു ആ പറഞ്ഞത് എനിക്ക് ഒരു പുതിയ അറിവ് ആയിരുന്നു.

” അപ്പൊ, അദ്ദേഹതിന്റെ അമ്മ?? ”

” പണ്ട് ചേട്ടായിക്ക് രണ്ട് വയസൊ മറ്റോ ഉള്ളപ്പോ ചേട്ടായിയെയും അച്ഛനെയും ഉപേക്ഷിച്ചു പോയി. അതിനു ശേഷം ആണ് എന്റെ അമ്മയെ അച്ഛൻ കെട്ടുന്നത്.

ചേട്ടായി സ്ത്രീകളെ വെറുക്കുന്നത് ആ സ്ത്രീ കാരണം ആണ്, എന്നോട് അല്ലാതെ വേറെ ഒരു പെണ്ണിനോട് ചേട്ടായി നല്ലോണം സംസാരിക്കുന്നത് പോലും ഞാൻ കണ്ടിട്ടില്ല, എന്തിനു എന്റെ അമ്മയോട് ഇതേ വരെ ഒന്ന് മിണ്ടിയിട്ടില്ല. ചേട്ടായിയോട് അടുക്കാൻ അമ്മ ഒരുപാട് നോക്കി പക്ഷെ..

അമ്മക്ക് ചേട്ടായിയെ എന്ത് ജീവൻ ആണെന്നോ, എന്നെക്കാളും ഇഷ്ടം ആണ്, ചേട്ടായി അവഗണിക്കുമ്പോ പലപ്പോഴും ആരും കാണാതെ അമ്മ കരയുന്നത് ഞാൻ കണ്ടിട്ടുണ്ട്.