കലി [Amal Srk] 512

” അത് ഞാൻ കാണിച്ചു തരാം ” ശേഷം ചക്കര അവളെ തന്റെ ശരീരത്തോട് ചേർത്ത് ഹോട്ടലിന്റെ അടുത്തേയ്ക്ക് നടന്നു.

” വിട്.. നിങ്ങൾ എന്തായി കാണിക്കുന്നേ..? ആളുകളൊക്കെ ശ്രദ്ധിക്കുന്നുണ്ട്.. ” അഞ്ജലി കുതറി മാറിക്കൊണ്ട് പറഞ്ഞു.

പക്ഷെ ചക്കര അവളെ മുറുകെ തന്നോട് ചേർത്ത് പിടിച്ചു. കൊടും തണുപ്പിന് കരുത്തുറ്റ ഒരാണിന്റെ നെഞ്ചിലെ ചൂട് അന്നാണവൾ ആദ്യമായി അറിഞ്ഞത്. കരുതലോടെ അയാൾ അവളെ ചേർത്ത് പിടിച്ച് ഹോട്ടലിന്റെ അകത്തേയ്ക്ക് കയറി.

ഈ കാഴ്ച്ച കണ്ട് അത്ഭുതപ്പെട്ടിരിക്കുകയാണ് ജോണും, മണിയും.

” ജോണേട്ടാ അവൻ പറഞ്ഞത് പോലെ ആ പെണ്ണിനെ വളച്ചല്ലോ…” മണി ആശ്ചര്യത്തോടെ പറഞ്ഞു.

” എന്നാലും ഇതെന്ത് അത്ഭുതം..? ” ജോണിന് ഇത് വിശ്വസിക്കാനായില്ല.

അഞ്ജലിലെയും ചേർത്ത് കൊണ്ട് ചക്കര ജോണിന്റെ അടുത്തേയ്ക്ക് വന്നു. ” ജോണേട്ടാ.. ഞങ്ങൾക്ക് രണ്ട് പേർക്കും കുറച്ചു നേരം പ്രൈവറ്റ് ആയിട്ട് സംസാരിക്കണം. അതിന് പറ്റിയ മുറി വല്ലതും ഇരിപ്പുണ്ടോ ഇവിടെ..? “

” ദേ.. ആ കാണുന്ന മുറിയിൽ കേറിക്കോ.. എന്റെ മുറിയാ… സൗകര്യങ്ങളൊക്കെ ഇച്ചിരി കുറവാ എന്നാലും നിങ്ങടെ കാര്യം നടക്കും.”  ജോൺ അഞ്ജലിയെ നോക്കി ചുണ്ട് കടിച്ചു കൊണ്ട് പറഞ്ഞു. അയാളുടെ നോട്ടം കണ്ട് അഞ്ജലിയുടെ തൊലിയുരിഞ്ഞു.

” നന്നിയുണ്ട് ജോണേട്ടാ.. ” മുറി കിട്ടിയ സന്ദോഷത്തിൽ ചക്കര പറഞ്ഞു.

” നന്ദി മാത്രേ ഉള്ളു..? ” ഒരു വഷളൻ ചിരിയോടെ ജോൺ ചോദിച്ചു.

” ഒന്ന് അടങ് ജോണേട്ടാ.. എല്ലാറ്റിനും നമ്മക്ക് വഴിയുണ്ടാക്കാം.. “

” നീ എനിക്കിട്ട് ഒണ്ടാക്കാതിരുന്നാ മതി.”

” എന്താ ജോണേട്ടാ എന്നെ ഒരുമാതിരി വിശ്വാസമില്ലാത്തത് പോലെ സംസാരിക്കുന്നെ..? ” ചക്കര ചിണുങ്ങി.