കലി [Amal Srk] 614

ഈ സമയം ലോറിക്കാരൻ ചക്കര ഹോട്ടലിന്റെ അകത്തേക്ക് കയറി. അഞ്ജലിയെ നോക്കി ഒരു വഷളൻ ചിരി ചിരിച്ച് അവരുടെ എതിർവശത്തായി ഇരുന്നു. മഞ്ഞ നിറത്തിലുള്ള ബനിയനും, ഓവർ കോട്ടും ഒരു ജീൻസ് പാന്റുമാണ് അവളുടെ വേഷം. സിദ്ധുവിൻറെ ശ്രദ്ധയിൽ പെടാതെ അഞ്ജലി അയാളെ പാളി നോക്കി. നല്ല ഉരുക്ക് ശരീരം അയാൾടെ കെട്ടിയോളുടെ ഒരു ഭാഗ്യം, ദിവസവും എടുത്തിട്ട് പണിയുന്നുണ്ടാവും. കെട്ടുവാണെങ്കിൽ ഇതുപോലുള്ള ഒരുത്തനെ കെട്ടണം. അഞ്ജലി അയാളുടെ തുടയിലേക്ക് നോക്കിക്കൊണ്ട് ഓരോന്ന് ആലോചിച്ചു. 

പെട്ടന്നാണ് അഞ്ജലിയുടെ നോട്ടം സിദ്ധാർത്ഥന്റെ ശ്രദ്ധയിൽപ്പെട്ടത്, അവൻ ഉടനെ തിരിഞ്ഞു നോക്കി. അഞ്ജലിയെ നോക്കി ചോരയൂറ്റി കുടിക്കുകയാണ് അയാൾ. 

” അഞ്ജലി എഴുന്നേറ്റ് വന്ന് ഇവിടെ ഇരിക്ക് ” സിദ്ധു പറഞ്ഞു. മറുതൊന്നും പറയാതെ അഞ്ജലി സ്ഥലം മാറി ഇരുന്നു. 

ചക്കര വിട്ടുകൊടുത്തില്ല,അയാൾ ഉടനെ അഞ്ജലിയുടെ എതിർവശത്തായി വന്നിരുന്നു. ഇപ്പോൾ അഞ്ജലിയെ നേരത്തെ ഉള്ളതിനേക്കാൾ ഭംഗിയായി അയാൾക്ക് കാണാം. അയാളുടെ പ്രവർത്തി കണ്ട് സിദ്ധാർത്ഥിന് ദേഷ്യം വന്നു. അഞ്ജലി അവന്റെ കൈയ്യിൽ മുറുകെപ്പിടിച്ച് സമാധാനിപ്പിച്ചു. ഈ സമയം പണിക്കാരൻ ആഹാരവുമായി എത്തി. സിദ്ധു തന്റെ മനസ്സിലെ ദേഷ്യമൊക്കെ മാറ്റിവെച്ച് ആഹാരം കഴിക്കാൻ ആരംഭിച്ചു.

കഴിക്കുമ്പോഴൊക്കെയും ചക്കരയുടെ നോട്ടം അഞ്ജലിയുടെ നേർക്കാണ്. അവൾ സിദ്ധുവിനെ പാളിനോക്കി ഭക്ഷണം കഴിക്കുന്നതിൽ മാത്രം ശ്രദ്ധ കേന്ദ്രീകരിച്ചിരിക്കുകയാണ് അവൻ. സിദ്ധു ശ്രദ്ധിക്കില്ല എന്ന ഉറപ്പോടെ അഞ്ജലി ചക്കരയെ നോക്കി ചെറുതായി പുഞ്ചിരിച്ചു. 

അവളുടെ മുത്തു പൊഴിയുന്ന ചിരി കണ്ട്‌ ചക്കരയുടെ നെഞ്ച് ഒന്ന് പിടഞ്ഞു. അവൾക്ക് തന്നോട് താല്പര്യമുണ്ട് എന്നതിൻറെ ഗ്രീൻ സിഗ്നലാണ് ഇതെന്ന് അയാൾക്ക് മനസ്സിലായി. ചക്കര തിരിച്ചും ചിരിച്ചു കാണിച്ചു. 

ഭക്ഷണം കഴിച്ചശേഷം ജ്യൂസ് കുടിക്കാൻ തുടങ്ങുമ്പോഴാണ് അതിൽ ഒരു ചത്ത പാറ്റയെ ശ്രദ്ധയിൽപ്പെട്ടത്. ഉടനെ തന്നെ സിദ്ധു പണിക്കാരനെ വിളിച്ച് കാര്യം കാണിച്ചു. അത് മാറ്റി വേറെ കൊണ്ട് തരാൻ ദേഷ്യത്തോടെ ആജ്ഞാപിച്ചു. പണിക്കാരൻ അടുക്കളയിൽ ചെന്ന് ജ്യൂസിൽ വീണ പാറ്റയെ എടുത്തു കളഞ്ഞ ശേഷം തിരിച്ചുകൊണ്ടു കൊടുത്തു. ജ്യൂസ് പഴയത് തന്നെ കൊണ്ടു വച്ചതാണെന്ന് സിദ്ദുവിന് മനസ്സിലായി.