കല്യാണം 13 [കൊട്ടാരംവീടൻ] 790

“ വേഗം കുളിച്ചിട്ട് വാ ഞാൻ താഴെ ഉണ്ടാവും…”
അവൾ പറഞ്ഞിട്ട് താഴേക്ക് പോയി..ഞാൻ വേഗം കുളിച്ചിറങ്ങി..ബാഗിൽ നിന്നും ഡ്രസ്സ്‌ എടുത്തിട്ട് ഞാൻ താഴേക്ക് ഇറങ്ങി.. അവിടെ ആരേം കാണാത്തതുകൊണ്ട് ഞാൻ പുറത്തേക്ക് ഇറങ്ങി…
എന്നെ എന്തോ ഒരു ശക്തി പിടിച്ചു വലിക്കുന്നതുപോലെ തോന്നി.. എന്റെ മനസ്സിനെ അനുസരിക്കാതെ എന്റെ ശരീരം ചലിച്ചു.. എന്റെ ഓരോ കാൽ വെപ്പും എന്റെ ഉള്ളിൽ നൊമ്പരം ഉണ്ടാക്കി.. ഞാൻ നടന്ന നടന്ന അവസാനം എന്റെ കാലുകളുടെ ചലനം നിലച്ചു..
നിറ കണ്ണുകളോടെ ഞാൻ നോക്കി…എന്റെ കാലുകളുടെ ബലം ഇല്ലാതെ ആവുന്നതുപോലെ തോന്നി..
“ ആമി…”
അവളുടെ അസ്ഥിതറയിൽ നോക്കി ഞാൻ വിളിച്ചു…
“ എവിടെ ആരുന്നു.. ഞാൻ പിണക്കമാ.. എന്താ ഇത്രേം നാളായിട്ടും എന്നെ കാണാൻ വരാഞ്ഞേ…”
എവിടുന്നോ ഒരു ശബ്ദം എന്റെ കാതിലേക്ക് വന്നു..എന്റെ കണ്ണുകൾ നിറഞ്ഞു ഒഴുകി.. കാഴ്ചകൾ മങ്ങി..
“ ഞാൻ…ഞാൻ കാരണം അല്ലെ നിനക്ക്.. “
ഞാൻ കരഞ്ഞുകൊണ്ട് പറഞ്ഞു..
“ അയ്യേ എന്തിനാ കരയുന്നെ… “
ആമി എന്റെ മുന്നിലേക്ക് നടന്ന വന്നു പറഞ്ഞു…
“ ആമി… ഞാൻ…”
ഞാൻ അവളോട്‌ മിണ്ടനായി വാ തുറന്നപ്പോളേക്കും അവൾ വാ പൊത്തി…
“ വേണ്ട…ഒന്നും പറയണ്ട…എനിക്ക് അറിയാം.. നിനക്ക് എന്നോടുള്ള സ്നേഹം…മതി എന്നെ ഇങ്ങനെ സ്നേഹിച്ചത്…. “
അവൾ എന്റെ കണ്ണുകളിൽ നോക്കി പറഞ്ഞു…
“ ആമി..നമ്മക്ക് ഇടയിൽ ഇപ്പോൾ ഓർമ്മകൾ മാത്രമേ ഒള്ളു..എനിക്ക് പറ്റില്ലടി നീ ഇല്ലാതെ ഒരു ജീവിതം ”
ഞാൻ അവളുടെ മുഖം കൈകളിൽ കോരി എടുത്തു പറഞ്ഞു..
“ ഇല്ല…ജീവിക്കണം.. ഞാൻ ഇല്ലാതെ ജീവിക്കണം…നമ്മുടെ അച്ഛനും അമ്മയ്ക്കും വേണ്ടി…പിന്നെ നിന്നെ മാത്രം സ്നേഹിക്കുന്ന ആ പാവം പൊട്ടി പെണ്ണിന് വേണ്ടി.. “
അവൾ നിറഞ്ഞ കണ്ണുകളോടെ എന്നെ നോക്കി പറഞ്ഞു..
“ ആമി…”
അവൾ വീണ്ടും എന്റെ വാ പൊത്തി പിടിച്ചു..
“ ഒന്നും പറയണ്ട…ഈ കണ്ണുകൾ എനിക്ക് നിറയാൻ പാടില്ല..”
അവൾ എന്റെ കണ്ണുകൾ തുടച്ചോണ്ട് പറഞ്ഞു..
“ ആമി.. ഈ കണ്ണുകളും തീരാത്ത ദാഹം ഉണ്ടന്ന് ഞാൻ തിരിച്ചു അറിഞ്ഞത്…നിന്നെ കാണാതെ ആയപ്പോൾ മുതൽ ആണ്…”
എന്റെ സങ്കടം ഉള്ളിൽ ഒതുക്കാനാവാതെ ഞാൻ അവളോട്‌ പറഞ്ഞു..