കാന്താരി 9 [Doli] 725

വൃന്ദ ഒരു തരി അനങ്ങാതെ നിന്ന ഇന്ദ്രനെ ഒന്ന്‌ തുറിച്ച് നോക്കി തിരിഞ്ഞ് വന്നു…

ഞാൻ : മാഡം ആ ചെക്കൻ എവടെ കത്തും എഴുതി വച്ചിട്ട് പോയതാ എന്നെ വിശ്വസിക്കണം

വൃന്ദ : നിന്റെ ഫോൺ തന്നെ
ഷിബു സാർ പറഞ്ഞ പോലെ അവരത് ചോദിച്ചു…

ഞാൻ : എന്റേൽ ഫോണൊന്നും ഇല്ല

വൃന്ദ : ഞാൻ തപ്പി എടുത്താ പിന്നേ മകൻ ആ ഫോൺ കാണില്ല

കണ്ണൻ : നിങ്ങളീ കാണിക്കണത് തെറ്റാ മാഡം എന്റെ മേലെ നിങ്ങക്കും ഈ കുട്ടിക്കും സംശയം ഇണ്ട് ചോദ്യം ചെയ്യാ പക്ഷെ അതിന്റെ പേരി ഈ ജാതി വർത്താനം വേണ്ട

വൃന്ദ : പറഞ്ഞാ എന്തീയൂടാ ഏഹ്… നിന്നെ ഒക്കെ പോലെ തന്തടെ പൈസക്ക് തിന്ന് കണ്ടവന്റെ നെഞ്ചത്ത് കേറി നെരങ്ങുന്നവന്മാരെ ഒക്കെ തല കീഴായി കെട്ടി ഇട്ട് അടിക്കണം… നിന്റെ നാക്ക് നിന്റെ ഒക്കെ മൂപ്പ് കണ്ട് വാലാട്ടുന്നവരോട് മതി

കണ്ണൻ : പണ്ട് ഈ ഓടി പോയവൻ കാരണം ദിവസങ്ങൾ കേറി നെരങ്ങിയതാ ഞാൻ ഈ സ്റ്റേഷനില് അന്ന് കരഞ്ഞ് പറഞ്ഞു ആരും കേട്ടില്ല ഇനി കരയാൻ എനിക്ക് മനസ്സില്ല

വൃന്ദ : മോനെ ഇന്ദ്രജിത്തേ നിന്റെ ഈ അഭിനയം ഒക്കെ വെളിയില്… ഇവടെ വേണ്ട

ഷിബു സാർ : മാഡം

വൃന്ദ : എന്താ

ഷിബു സാർ : മാഡം ഇത് രുദ്രൻ സാറിന്റെ ചേച്ചിടെ മകനാണ് അറിയാലോ

വൃന്ദ : അതിന്, നമ്മക്ക് രുദ്രൻ സാറാണോ ശമ്പളം തരുന്നേ…

പെട്ടെന്ന് ചെറിയച്ഛൻ ഡോർ തള്ളി തൊറന്ന് അകത്തേക്ക് കേറി വന്നു…

ആള് കട്ട കലിപ്പിലാണ്

പിന്നാലെ ഒരു ലോയറും…

ചെറിയച്ഛൻ : മാഡം നിങ്ങള് പറഞ്ഞ എല്ലാ കുന്തവും ഇണ്ട് എന്റെ മകനെ എറക്കി കൊണ്ട് പോവാൻ വേണ്ട എല്ലാം…