“എടാ അവൾ സമ്മതിക്കും . അല്ല സമ്മതിച്ചു. നിനക്ക് മുൻപ് നടന്ന കാര്യം ഒന്നും ഓർമ്മയില്ലേ? അലീസിന്റെ മകളുടെ വിവാഹം . അന്ന് നീയല്ലേ….”
” മതി നിർത്ത് അച്ചോ നിർത്ത്” ജോപ്പൻ പറഞ്ഞു.
“ആലീസ് വരുന്നുണ്ട്. ഇവിടെ നിന്റെ മുന്നിൽ വച്ച് ഇപ്പോൾ ആലീസോട് നേരിട്ട് ചോദിക്കാം .”
അലീസ് അച്ഛന്റെ അടുത്ത് എത്തി പറഞ്ഞു
“ഈശോമിശിഹാക്ക് സ്തുതിയായിരിക്കട്ടെ”
അച്ഛൻ പറഞ്ഞു.
“എപ്പോഴും എപ്പോഴും സ്തുതിയായിരിക്കട്ടെ”
“അലീസേ ഞാൻ നിന്നോട് ഒരു കാര്യം പറഞ്ഞിരുന്നല്ലോ? നിനക്കതിന് സമ്മതമാണോ?”
“എന്ത് കാര്യമാണ് അച്ചോ?” ആലീസ് തിരിച്ചു ചോദിച്ചു.
“ദാ ഇവനെ ജോസഫിനെ കെട്ടുന്ന കാര്യം”
“അതിനുത്തരം ഞാൻ അന്നേരം പറഞ്ഞതാണല്ലോ അച്ചോ?”
” അത് ആ ഉത്തരം ഇവനും കൂടി ഒന്ന് കേൾക്കണം . അതിന് വേണ്ടിയാണ്. ഇപ്പോൾ ഇത് മനസ്സമ്മതം ചോദിക്കുന്നതാണെന്ന് കരുതിക്കോ. നിനക്ക് ഈ ജോസഫിനെ കെട്ടാൻ സമ്മതമാണോ?. ”
“സമ്മതമാണച്ചോ ജോസഫിന് എന്നെ കെട്ടാൻ സമ്മതമാണെങ്കിൽ . ….. എനിക്കും സമ്മതമാണ്.”
“അപ്പോൾ മനസ്സമ്മതം കഴിഞ്ഞു . അടുത്ത ഞായറാഴ്ച കുർബാന കഴിഞ്ഞ് മിന്നുകെട്ട്. ഇവിടുത്തെ കാര്യങ്ങൾ എല്ലാം ഞാൻ നോക്കിക്കൊള്ളാം. ഇപ്പോൾ ആലീസ് ചെന്നാട്ടെ.”
“ശരിയച്ചോ. ”
അലീസ് പുറത്തേക്കും അച്ഛൻ പള്ളിക്ക് അകത്തേകും പോയി.
“അച്ചോ ഒരു നിമിഷം നിക്ക് അച്ചോ. കല്യാണത്തിന് അപ്പോൾ എന്റെ സമ്മതം വേണ്ടേ ?. ”
“മോനെ ജോപ്പാ.. ഇനി നീ ഇതിന് വല്ല മുടക്കവും പറഞ്ഞാൽ … ഈ കുപ്പായം അഴിച്ചുവെച്ചു . നിന്റെ കരണം ഞാൻ അടിച്ചു പൊട്ടിക്കും . കർത്താവാണ് സത്യം. അടുത്ത ഞായറാഴ്ച്ച നിന്റെയും ആലീസിന്റെയും കെട്ട് ഞാൻ നടത്തും.”
Nalla avatharanam ayirunnu.. oru flowyil vacyich pokanum nalla rasam undayirunnu.. 2-3 kathakal pending undallo… katta waiting bro
താങ്ക്സ് ❤ എല്ലാം എഴുതും സമയം കിട്ടുന്നതിന് അനുസരിച്ചു. അതിനിടയിൽ വേറെ ചില കഥകൾ മനസ്സിൽ വരുന്നു. അതാണ് ഒരു പ്രശ്നം.
കൊറേ നാൾ എവിടെയായിരുന്നു.. ❤️❤️
ശ്യാമയും സുധിയും എപ്പോ വരും.??
ഇവിടെ തന്നെ ഉണ്ടായിരുന്നു ബ്രോ ❤❤❤.
ഓണത്തിന് തരാൻ കഴിയും എന്ന് പ്രതീക്ഷിക്കുന്നു.