കരുമാടി കുട്ടൻ

Karumadikuttan | Author : Ansiya

“കബീർക്കാ ഐസ് ക്രീം…”

“കുട്ടന് ആവും അല്ലെ ജ്യോതി…??

“അതേ… അവന്റെ ജീവനല്ലേ ഐസ് ക്രീം .”

“എന്ന വലുത് തന്നെ എടുക്കട്ടേ….??

“അയ്യോ… വേണ്ട… കണ്ട അത് തീർത്തേ അവൻ അടങ്ങു….”

“ഹഹഹ…. ഇതാ…”

അയാൾക്ക് കാശും കൊടുത്ത് ഞാൻ ഐസ് ക്രീമും വാങ്ങി വീട്ടിലേക്ക് നടന്നു… ആരുമില്ലാത്ത ഞങ്ങൾക്ക് നല്ലൊരു സഹായി ആണ് കബീർക്ക… വയസ്സ് അൻപതു കഴിഞ്ഞു കാണും പാവമാണ് വിളിച്ച എന്ത് കാര്യത്തിനും ഓടി വരും…. ഞാൻ ജ്യോതി ഭർത്താവിന്റെ പേര് രവി എന്നായിരുന്നു …

ഞങ്ങളുടെത് രജിസ്റ്റർ വിവാഹം ആയിരുന്നു വീട്ടുകാരെ എതിർത്ത് ആരുമില്ലാതെ ആയ നിമിഷം.. പതിനെട്ട് തികഞ്ഞ് ഒരു മാസം ആകുമ്പോൾ ആയിരുന്നു അത് നടന്നത് കൃത്യം ഒരു വർഷം ആകുമ്പോഴേക്കും കുട്ടൻ എന്ന് ഞങ്ങൾ വിളിക്കുന്ന നാട്ടുകാരുടെ കരുമാടി കുട്ടൻ ഉണ്ടായി എന്റെയും ചേട്ടന്റെയും പോലെ അല്ലായിരുന്നു അവൻ കറുത്ത നിറമായിരുന്നു അവന്…. ഓരോ വയസ്സ് കൂടുമ്പോഴും അവന് എന്തൊക്കെയോ പ്രശ്നങ്ങൾ ഉള്ളതായി ഞങ്ങൾക്ക് തോന്നി അമിത വളർച്ചയും സംസാരിക്കുമ്പോഴുള്ള അവന്റെ ബുദ്ധിമുട്ടും ഏറെ സങ്കടം ആയി ഇരുവർക്കും…

കാണാത്ത ഡോക്ടർമാർ ഇല്ല എല്ലാവരും കയ്യൊഴിഞ്ഞു… പതിയെ ചേട്ടനും അവനൊരു ശല്യമായി തുടങ്ങി എന്തിനും വഴക്ക് അവനെ അടിക്കുക തന്റെ മകൻ അല്ലെന്ന് പറയുന്നത് വരെ എത്തി കാര്യങ്ങൾ…. ഒന്നിനും ഞാൻ മറുപടി പറഞ്ഞിരുന്നില്ല എല്ലാം കേട്ടു സഹിച്ചു… ഒന്നൊഴികെ .. അവനെ ബുദ്ധിസ്ഥിരത ഇല്ലാത്ത മക്കളെ നോക്കുന്ന സ്ഥലത്ത് കൊണ്ടു വിടാം എന്ന ചേട്ടന്റെ അഭിപ്രായത്തിന് മാത്രം ഞാൻ എതിര് നിന്നു….

പിന്നെ എന്നോടായി പ്രശ്‌നങ്ങൾ അത് കൂടി കൂടി കുട്ടന് പത്ത് വയസ്സ് ആകുമ്പോൾ ചേട്ടൻ എന്നെയും മകനെയും ഒഴിവാക്കി.. കോടതി ആയി കേസ് ആയി എല്ലാത്തിനും ഞാൻ ഒറ്റയ്ക്ക് അവസാനം കോടതി വിധി വന്നു മാസം എനിക്കും മകനും ചിലവിന് തരാനും അവന്റെ പേരിൽ ഒരു അമൗണ്ട് ബാങ്കിൽ ഇടാനും ചേട്ടന് സന്തോഷമായിരുന്നു അത്.. എനിക്കുള്ളത് ഒരു വർഷത്തേക്ക് ഒരുമിച്ചായിരുന്നു ചേട്ടൻ ബാങ്കിൽ ഇട്ടിരുന്നത്…. ഇപ്പൊ കണ്ണന് പതിനാറാം വയസ്സാണ് കണ്ടാൽ മുപ്പത് തോന്നിക്കും ആ നിലക്കായിരുന്നു അവന്റെ വളർച്ച….