ഖൽബിലെ മുല്ലപ്പൂ 12 [കബനീനാഥ്] [Climax] 853

അരിപ്പൊടി നനച്ച് വാഴയിലയിൽ പരത്തി, ശർക്കരയും തേങ്ങയും ജീരകവും ഏലയ്ക്കായും ചേർത്ത് പുഴുങ്ങിയ ഇലയട കൂടി ടേബിളിൽ വന്നപ്പോൾ ജാസ്മിൻ ഉള്ളാലെ കരഞ്ഞു പോയി …

“ഷാ ….”

“ഉം … ”

” ഇയ്യിതെന്തു ഭാവിച്ചാ …?”

“ന്ത് ….?”

” ഈ ഉണ്ടാക്കുന്നതൊക്കെ ..?”

” വെറും പരീക്ഷണം …. വേറൊന്നുമില്ലുമ്മാ ….”

ചിരിയോടെ പറഞ്ഞിട്ട് അവൻ അടുക്കളയിലേക്ക് പോയി …

മോളിയെ കുളിപ്പിച്ചതും വസ്ത്രം മാറ്റിയതും അവളുടെ മുഷിഞ്ഞ വസ്ത്രങ്ങൾ അലക്കിയതും അവനായിരുന്നു …

ഇടയ്ക്ക് ജാസ്മിൻ അടുക്കളയിൽ പോയി നോക്കി …

പാത്രങ്ങളെല്ലാം കഴുകി വൃത്തിയാക്കി അടുക്കി വെച്ചിരിക്കുന്നു ..

സിങ്കിലും സ്ലാബിലും തറയിലും ലൈസോളിന്റെ ഗന്ധമടിച്ചപ്പോൾ അവൻ എല്ലാം തുടച്ചതായി അവൾ മനസ്സിലാക്കി.

അവനൊരു പെൺകുട്ടിയായി ജനിക്കേണ്ടിയിരുന്നു എന്ന് അവളോർത്തു …

അടുത്ത നിമിഷം അവളാ ചിന്ത തിരുത്തുകയും ചെയ്തു..

മോളി സെറ്റിയിലിരുന്ന് ഡോറ കാണുന്നുണ്ടായിരുന്നു …

അടയുടെയോ, മറ്റു പലഹാരങ്ങളുടെയോ ഒരു അവശിഷ്ടങ്ങളും അവളുടെ സമീപത്ത് കാണാത്തതിൽ അവൾക്ക് അത്ഭുതം തോന്നി ….

ഷാനുവെന്ന മാന്ത്രികൻ എന്ത് മന്ത്രമാണ് മോളിക്ക് പറഞ്ഞു കൊടുത്തതെന്ന് അവൾക്ക് ഒരെത്തും പിടിയും കിട്ടിയില്ല …

അത്താഴ ശേഷം ജാസ്മിൻ കുറച്ചു നേരം സെറ്റിയിൽ വന്നിരുന്നു …

പാത്രങ്ങൾ കഴുകി വൃത്തിയാക്കി വെച്ച് ഷാനു അവൾക്കടുത്തേക്ക് വന്നിരുന്നു …

“ങ്ങക്ക് കിടന്നൂടാരുന്നോ ….?”

” ന്ന് മൊത്തം കിടപ്പല്ലാരുന്നോ ….?”

ഷാനു പതിയെ അവളുടെ കാൽച്ചുവട്ടിലേക്കിരുന്നു ..

അവൾ പറയാതെ തന്നെ അവളുടെ ഇരുകാലുകളുടെയും വിരലുകൾ പിടിച്ച്, അവൻ ഞൊട്ട പൊട്ടിച്ചു …

മുട്ടിനു താഴേക്ക് , അവളുടെ കാലുകൾ ഒരു തൂവലാൽ ഉഴിയുന്ന പോലെ അവനുഴിഞ്ഞു കൊണ്ടിരുന്നു …

“ഷാ ….”

” ന്താ മ്മാ …..?”

“മതീടാ ….”

” ന്തേ ….?”

“ഇയ്യിന്ന് കൊറേ കഷ്ടപ്പെട്ടതല്ലേ ….?”

“അതെന്റെ കടമയല്ലേ മ്മാ ….” അവൻ ചിരിച്ചു കൊണ്ട് പറഞ്ഞു ….

ഹൃദയം പേരറിയാത്ത ഏതോ ഒരു വികാരത്താൽ വേലിയേറ്റം കൊള്ളുന്നത് അവളറിയുന്നുണ്ടായിരുന്നു …