ഖൽബിലെ മുല്ലപ്പൂ 12 [കബനീനാഥ്] [Climax] 848

“അതെന്തേ….?”

” കുറച്ചു കാശിന്റെ ഇടപാടുണ്ട് … പിന്നെ സ്ഥലത്തിന്റേം…”

” സ്ഥലമോ …?”

“ഉം … എനിക്ക് വീടെടുക്കാൻ സഹായം ചെയ്ത ഒരാൾക്ക് ബിനാമിയായി നിൽക്കേണ്ടി വന്നു … അതൊന്ന് മാറ്റിയെഴുതണം … പിന്നെ സിയാദിന്റെ കയ്യിൽ എന്റെ കുറച്ച് കാശ് കുടുങ്ങിയിട്ടുണ്ട് … അതിനൊരു തീരുമാനമുണ്ടാക്കണം ..”

” ബിനാമി ഇടപാടൊന്നും നമുക്ക് വേണ്ട മോനേ ….”

” ഇല്ല മാഷുപ്പാ … ആള് വിശ്വസ്തനാണ്… മാത്രമല്ല, തിരിച്ചെഴുതിക്കൊടുത്താൽ അത് തീർന്നു…”

ജാസ്മിൻ ചായയുമായി വന്നു … അവിടെയും അടുക്കളക്കാരി അവളായിരുന്നുവല്ലോ..

അവൾക്കു പിന്നിൽ മുംതാസുമ്മ വരുന്നതു കണ്ട് ഷാഹിർ എഴുന്നേറ്റു ..

” ഞാൻ മുറിയിലേക്ക് വരുമായിരുന്നല്ലോ ഉമ്മാ …”

“അത്ര വയ്യായ്കയൊന്നും ഇപ്പോഴില്ല മോനേ എനിക്ക് ….”

” ഉള്ളതൊക്കെ ചേർത്ത് ഇവിടെന്തെങ്കിലും ചെയ്ത് നിൽക്കാൻ നോക്ക് … ”

അവർ ഇറങ്ങാൻ തുടങ്ങുമ്പോൾ മാഷ് പറഞ്ഞു …

“ആഗ്രഹമില്ലാഞ്ഞിട്ടല്ല മാഷേ …. ഇനിയീ കടങ്ങളൊക്കെ വീട്ടി പത്തു രൂപ കയ്യിൽ വരുമ്പോഴേക്കും മോളിക്ക് പ്രായമാകും … അത് കഴിയുമ്പോൾ അടുത്തത് വരും … ഞങ്ങൾ പ്രവാസികളുടെ മിക്കവരുടെയും കാര്യം ഇതൊക്കെ തന്നാ…”

മാഷ് ചിരിയോടെ നിന്നു …

മോളിയേയും കൂട്ടിയാണ് ഇരുവരും വീട്ടിലേക്ക് പോയത് … പോകുന്ന വഴിയിൽ സുജയെ സന്ദർശിക്കാനും അവർ മറന്നില്ല..

ഷാനു അന്ന് വൈകിയാണ് എത്തിയത് … അത് മനപ്പൂർവ്വമാണെന്ന് ജാസ്മിന് മനസ്സിലായി …

കുളിയും ചായകുടിയും കഴിഞ്ഞ് ഷാനു സെറ്റിയിലിരുന്നു … മോളി ഡോറയ്ക്കു മുൻപിലും …

ഷാഹിർ സിറ്റൗട്ടിലിരുന്ന് ഫോൺ ചെയ്യുകയായിരുന്നു …

അത്താഴ ശേഷം ഷാനു ഷാഹിറിനോട് ഗുഡ് നൈറ്റ് പറഞ്ഞു റൂമിലേക്ക് കയറി …

“ഓനെന്തു പറ്റി ജാസി ….?” ഷാഹിർ ചോദിച്ചു …

” അതോ ഇങ്ങനെ തന്നെയാണോ അവൻ …?”

” ചിലപ്പോഴൊക്കെ …. പഠിക്കാനുണ്ടാവും ഇക്കാ…..” അവൾ പറഞ്ഞു …

” കോളേജിലൊക്കെയല്ലേ … ഇനി വല്ല പ്രേമവും ….?”

” ഒന്ന് മിണ്ടാതിരിയിക്കാ… ഓനെന്റെ കുട്ട്യാ … സ്കൂളിലെ കാര്യമൊക്കെ അവനെന്നോട് പറയുന്നുണ്ട് …. ” ജാസ്മിൻ ഷാനുവിന്റെ രക്ഷയ്ക്കെത്തി…