KOK 3 [Malini Krishnan] 112

“ഹാമർ രാജുവോ അതെന്താ”

“ഈ ലക്നൗവിൽ വന്ന സമയത്ത് തന്നെ ഇവിടെ ഉണ്ടായിരുന്ന ഒരു വലിയ ഗുണ്ടയെ നിമിഷനേരം കൊണ്ടാണ് ഇവൻ തീർത്തത്. കേട്ടിടത്തോളം വെച്ച് ഒരാളെ തട്ടാൻ ഇവനൊരു പേനയോ മുട്ടുസൂചിയോ ഒക്കെ തന്നെ ധാരാളം. ഹാമർ വച്ച് തിരുനെറ്റിക്ക് ഒരു അടി ‘ഹെഡ് ഷോട്ട്’ പിന്നെ ഹാമറിന്റെ കൂർത്ത ഭാഗം വെച്ച് നെഞ്ച് കീറി എടുക്കുന്നത് ‘ഹാർട്ട് സർജറി’, ഇത് രണ്ടുമാണ് ഇവന്റെ സംഭാവനകൾ. പിന്നെ അതുമാത്രമല്ല, ഈ നാട്ടിലുള്ള സാധാ പെണ്ണുങ്ങൾ മുതൽ ഹൈറേറ്റഡ് വെടിച്ചികൾ വരെ ഇവന്റെ കൂടെ ഒന്ന് കിടക്കാൻ കൊതിക്കും, ഹാമർ പോലെ ഇരിക്കുന്നു എന്നാണ് പലരും പറയാറുള്ളത്” ഗുരുജി കണ്ണന്റെ അടുത്ത് വിശദമായി രാജുവിനെ കുറിച്ച് പറഞ്ഞു കൊടുത്തു.

കൊത്തയിൽ വീണ്ടും ദിവസങ്ങൾ കടന്നുപോയി, കണ്ണന്റെ ഭാഗത്ത് നിന്നും ഒരു നീക്കവും കാണാതെ നൈല കാര്യങ്ങളെപ്പറ്റി അറിയാനായി പോലീസ് സ്റ്റേഷൻ വരെ പോകും, എന്നാൽ അവരുടെ ഭാഗത്തുനിന്നും കാര്യമായ സഹായം ഒന്നും കിട്ടാൻ പോകുന്നില്ല എന്ന് അവൾ മനസ്സിലാക്കും. അതുകൊണ്ടുതന്നെ അവനെ തീർക്കാനായി അവൾ കുറച്ചു ഗുണ്ടകളെ ഏർപ്പാടാക്കും.

ആ ദിവസം രാത്രി രാജു തന്റെ വണ്ടിയും എടുത്ത് ആശ ചേച്ചിയുടെ അടുത്തേക്ക് പോയി.

“എടാ രാജു എത്രകാലമായടാ നിന്നെ കണ്ടിട്ട് എവിടെയായിരുന്നു നീ” കടയിൽ നിന്നും രാജുവിന്റെ അടുത്തേക്ക് ഓടി പോയി അവനെ കെട്ടിപ്പിടിച്ചുകൊണ്ട് ആശ ചോദിച്ചു.

മറുപടിയൊന്നും പറയാതെ ഒന്നും പറയാനില്ലാതെ രാജു അവരെ നോക്കി ചിരിച്ചു. അപ്പോഴാണ് രാജു ആ കടയുടെ അടുത്ത് ഒരു പൂച്ച ഇരിക്കുന്നത് ശ്രദ്ധിച്ചത്.