കൂട് [Rekha] 212

വിവാഹം കഴിഞ്ഞു ദിവസങ്ങൾ അതിനേക്കാളും വേഗത്തിൽ സഞ്ചരിക്കാൻതുടങ്ങി .പുതുമോടികൾ ഹണിമൂണും കഴിഞ്ഞു ബന്ധുക്കളുടെ വീടും കയറി ഇറങ്ങി തളർന്നപ്പോളാണ് ശിൽപയുടെ അച്ഛനും അമ്മയും പറയുന്നത് നമുക്കെല്ലാവർക്കുംകൂടി ഫാമിലി ട്രിപ്പ് പോയാലോ എന്ന് . ഗോപേട്ടൻ്റെ അമ്മയും അച്ഛനും വരാൻ സമ്മതിച്ചില്ല അതിനാൽ ഒരു ദിവസത്തെ ട്രിപ്പ് മതി എന്നുപറഞ്ഞു എല്ലാവരുംകൂടി … മൂന്നാറിലേക്ക് പോകാൻ തീരുമാനിച്ചു .

ഞാൻ അച്ഛനും അമ്മക്കുമൊപ്പം നിൽക്കാം എന്നുപറഞ്ഞപ്പോഴൊന്നും ഗോപേട്ടനുംപിന്നെ അച്ഛനും അമ്മയും സമ്മതിച്ചില്ല

അടുത്തുള്ള ഒരു വണ്ടിയും എടുത്തു ഞങ്ങൾ യാത്രയായി പ്രതീക്ഷിച്ചപോലെ ബോറിങ് ആയിരുന്നില്ല രീതിയിൽ ആട്ടും പാട്ടുമായി ഞങ്ങൾ അവിടെ എത്തിയതറിഞ്ഞില്ല
പുതുമോടികളായതിനാൽ സനൂപും ശിൽപയും അവരുടേതായാലോകത്തേക്ക് നടന്നപ്പോൾ … സാഗറും സന്ധ്യയും മകനെ എന്നെ ഏൽപ്പിച്ചു അവരും തണുപ്പിനെ സ്വീകരിക്കാൻ നടക്കുമ്പോൾ …

ഞാനും ആഗ്രഹിച്ചു ഗോപേട്ടനുംകൂടി ഉണ്ടായിരുന്നെങ്കിൽ . ഒറ്റക്ക് ഒരു കാഴ്ചക്കാരിയെപോലെ ഒറ്റപ്പെടൽ എന്നെ ശരിക്കും വേദനിപ്പിച്ചു . എല്ലാം ഉണ്ടായിട്ട് ഒറ്റപെടുന്നപോലെ ചില സമയങ്ങളിൽ പ്രിയപ്പെട്ടവർ അടുത്തില്ലെങ്കിൽ അത് ഒരിക്കലും പറഞ്ഞറിയിക്കാൻ പറ്റില്ല … അത് മറ്റുള്ളവരിൽനിന്നും മറക്കാൻ കുറ്റ്യാകളുമായി ഞാൻ ചിരിച്ചു കളിച്ചിരുന്നു
മോള് രാത്രി ശരിക്കും ഉറങ്ങാത്തതിനാൽ ശിൽപയുടെ അമ്മയുടെ അടുത്തിരുന്നു ഒപ്പം സന്ധ്യയുടെ മകനും ഞാൻ വെറുതെ നടക്കുമ്പോൾ ചേച്ചി …

ശ്യാം :-ഞാനും കൂടി വരാം
എന്താണ് ശ്യാം വിളിച്ചത് ചേച്ചിയെന്നോ ?
അതല്ല … ഗോപേട്ടൻ്റെ ഭാര്യയാണലോ അപ്പോൾ ആ ബഹുമാനം
അതിൻ്റെ ആവശ്യമില്ല എന്നെ പ്രിയ എന്ന് വിളിച്ചാൽ മതി … പിന്നെ ഞാനാണ് ശ്യാമിനെ ചേട്ടാന്നു വിളിക്കേണ്ടത്
വേണ്ടായേ ഞാൻ പ്രിയാന്ന് വിളിക്കത്തെയുള്ളു
അങ്ങിനെ വഴിക്കുവാ
ഞങ്ങൾ അവിടെ നടക്കുമ്പോൾ ഓരോ കാര്യങ്ങൾ പറഞ്ഞു നടന്നുകൊണ്ടേയിരുന്നു അപ്പോഴാണ് അറിയുന്നത് എൻ്റെ വീടിനടുത്താണ് ശ്യാമിൻ്റെ തറവാടെന്നും ഞങ്ങൾ അമ്പലത്തിൽ പോകുമ്പോൾ ശ്യാം എന്നെ കണ്ടിട്ടുണ്ടെന്നും …

അപ്പോൾ എന്നെ ചെറുപ്പത്തിൽ വായനോക്കിയിട്ടുണ്ടന്നു സാരം
അല്ലാതെപിന്നെ … നോക്കിയിട്ടുണ്ട് … കാണാൻ ഭംഗിയുള്ള പെണ്കുട്ടികളെക്കണ്ടാൽ നോക്കാതിരിക്കുമോ …നോക്കാതിരിക്കണമെങ്കിൽ കണ്ണുപൊട്ടനാകേണ്ടിവരും .
കാര്യം എന്നെ പുകഴ്ത്തി പറഞ്ഞതാണെക്കിലും എനിക്കിഷ്ടമായി .

പുകഴ്ത്തിയതല്ല സത്യം പറഞ്ഞതാണ്