കുളിരിൽ വിരിയുന്ന കനൽ പൂവ് 4

Kuliril Viriyunna Kanal Poovu Part 4 | Author : Spulber

[ Previous Part ] [ www.kkstories.com]

ദാസൻ ജാഗരൂഗനായി..എന്താണ് ചെയ്യേണ്ടതെന്ന് പല ചിന്തകളും അവന്റെ തലച്ചോറിലൂടെ മിന്നിമാഞ്ഞു.
തന്റെ നേരെ നടന്നടുക്കുന്ന സുരയുടെ കയ്യിൽ കത്തിയുണ്ടെങ്കിലും അവനെ കീഴ്പെടുത്താൻ നിഷ്പ്രയാസം തനിക്ക് കഴിയും.
പക്ഷേ,അമ്മു… അവൾ വിനോദിന്റെ പിടിയിലാണ്.. അവൾക്കൊരു പോറൽ പോലുമേൽക്കാൻ പാടില്ല. അവൾ ദയനീയമായി തന്നെ നോക്കുകയാണ്..

പെട്ടെന്ന് ദാസൻ അവളുടെ കണ്ണിലേക്ക് നോക്കി ഒരാംഗ്യം കാട്ടി..അതെന്താണെന്ന് അവൾക്ക് മനസിലായില്ല. വീണ്ടുമവൻ ആംഗ്യം കാട്ടി..
എന്താണെന്ന് മനസിലായില്ലെങ്കിലും അവൾ തന്റെ വായപൊത്തിപ്പിടിച്ച വിനോദിന്റെ കയ്യിൽ ഒറ്റക്കടി.

“ആ… ആ…”

കയ്യിൽ ശക്തമായി കിട്ടിയ കടിയുടെ വേദനയിൽ വിനോദൊന്ന് അലറി. തിരിഞ്ഞ് നോക്കണോന്ന് സുര മനസിൽ ചിന്തിച്ചതേയുളളൂ.
തൊട്ടുമുന്നിലെത്തിയ അവന്റെ അടിനാഭി നോക്കി ദാസൻ ആഞ്ഞ് ചവിട്ടി….
ഒരു മൂളലോടെ അവൻ നിലത്തേക്കിരുന്നു പോയി…
വിനോദിന്റെ കൈ തട്ടിമാറ്റി ഷിഫാന ഓടിവന്ന് ദാസന്റെ പിന്നിലൊളിച്ചു.

ദാസൻ രണ്ടാളുടെയും കയ്യിൽ നിന്നും കത്തി പിടിച്ച് വാങ്ങി.

വിനോദ് വിറക്കാൻ തുടങ്ങി.

“ഇങ്ങോട്ടിരിക്കെടാ..”

വിനോദിനെ നോക്കി ദാസൻ അലറി.

അവൻ പേടിച്ച് സെറ്റിയിലേക്കിരുന്നു.

“ഞാൻ പറയാതെ അവിടുന്ന് നീ എഴുന്നേറ്റാ, പിന്നെ നീ ഇഴയേണ്ടിവരും..”

ഭീഷണിയുടെ സ്വരത്തിൽ പറഞ്ഞു കൊണ്ട് ദാസൻ നിലത്ത് കുഴഞ്ഞ് കിടക്കുകയായിരുന്ന സുരയെ പിടിച്ചുയർത്തി.
രണ്ട് കയ്യും ഉയർത്തി അവന്റെ രണ്ട് ചെവിയും കൂട്ടി ഒറ്റയടി.