കുറ്റബോധം 16 [Ajeesh] [Climax] 375

” അതിന്റെ സന്തോഷത്തിനെന്നോണം പുതിയ രണ്ട് വീടുകൾ അയാളുടെ മക്കൾക്ക് വേണ്ടി പണിയാൻ ഉള്ള അഡ്വാൻസ് പണം കൂടി കൊടുത്തിട്ടുണ്ട്…
” പോരാത്തതിന് നാട്ടിൽ വേറെയും ഒരു പണി ശരിയായിട്ടുണ്ട്… ”
” എല്ലാം നല്ലാതിനാണ്… ”
ഇപ്പോൾ ഞാൻ ഒരു ബിസിനസ്കാരന്റെ ഭാര്യയാണ്…
അവൾ മേശയിലേക്ക് പുതിയ വസ്ത്രങ്ങൾ എടുത്ത് വച്ചു കാണിക്കുന്ന സജീഷിനെ നോക്കി നിന്നു…
ആ മുഖത്ത് എന്തോ നേടിയത്തിന്റെ യാതൊരു ലാഞ്ചനയും ഇല്ല…
എന്നും മുഖത്ത് കാണുന്ന സന്തോഷം മാത്രം…
സജീഷ് അവളുടെ കൈ പിടിച്ച് വലിച്ച് മേശയുടെ അടുത്തേക്ക് കൊണ്ടുവന്നു…
” നീ എന്താടി ഇങ്ങനെ മാറി നിക്കുന്നെ… ”
ഇങ്ങ് വാ… ”
അവൾ തന്റെ ഭർത്താവിനെ നിറഞ്ഞ പുഞ്ചിരിയോടെ നോക്കി…
” അവൻ ആ നോട്ടം താങ്ങാൻ ആവാതെ അവൾ മുഖം തിരിച്ചു… ”
” ഇത് നോക്ക് ഇഷ്ട്ടയോ ?? ”
മയിൽപ്പീലി നിറമുള്ള ഒരു സാരി അവളുടെ മുന്നിൽ നിവർത്തി വച്ചു… ”
” അവൾ അതിൽ തൊട്ട് നോക്കി…
വല്ലാത്ത മിനുസം…
” കിട്ടിയ പൈസ മുഴുവനും പൊടിച്ചോ??? ”
” പിന്നെ എനിക്ക് എന്തിനാ ഈ പൈസ മുഴുവൻ…. ”
” ചാവുമ്പോ കൊണ്ടു പോവാനാ???… ”
അവൾ സജീഷിന്റെ കയ്യിൽ ഇടിച്ചു…
” ദേ ആവശ്യമില്ലാത്തത് പറയരുത്… ”
” ഞാൻ അമ്മയെ വിളിച്ചിട്ട് വരാം… ”
അവൻ അമ്മയെ എണീപ്പിച്ചു കൊണ്ടു വന്ന് എല്ലാം കാണിച്ചു കൊടുത്തു…
” അമ്മക്ക് ഒരു കമ്മൽ പ്രത്യേകം പറഞ്ഞു വാങ്ങിയതും അവൻ പുറത്തെടുത്തു… ”
” എനിക്ക് എന്തിനാടാ ഇത്…
ചാവുമ്പോ കൊണ്ടു പോവാനാ… ”
അത് മോൾക്ക് കൊടുക്ക്… ”
രേഷ്മ പിന്നെയും ഓടി വന്നു…
ഇതെന്താ ഇവിടെ എല്ലാവർക്കും ചാവുന്ന വർത്താനം പറയാനേ നേരം ഉള്ളൂ…
” അവളുടെ മുഖത്ത് കോപം നിറഞ്ഞു നിന്നു… ”
സജീഷിന് ചിരി വന്നു…
” അമ്മ ഇത് ഇട്… ”
രേഷ്മ കമ്മൽ അമ്മയുടെ കാതിൽ ഇട്ടു കൊടുത്തു…
” അത് കഴിഞ്ഞു അവരെ വിസ്തരിച്ച്‌ ഒന്ന് നോക്കി…
” ആഹാ… ഇപ്പൊ രാജകുമാരി ആയല്ലോ… ”
” ഏത് രാജ്യത്തെ… ”
അമ്മ എടുത്തടിച്ച പോലെ ചോദിച്ചു…
രേഷ്മ ഒന്ന് പകച്ചു…
പിന്നെ ഒരു കൂട്ട ചിരി മുഴങ്ങി…
അമ്മക്ക് മുന്പത്തെക്കാൾ ഊർജ്ജസ്വലത നിറഞ്ഞു നിന്നിരുന്നു…
” അതിൽ അവൾ വല്ലാതെ സന്തോഷിച്ചു… ”
ആ സ്ത്രീയുടെ വയറ്റിൽ ജനിച്ചില്ല എന്നതൊഴിച്ചാൽ മറ്റെല്ലാ അർത്ഥത്തിലും എന്റെ അമ്മ തന്നെ ആണ് … “