ലിനിയും പപ്പയും [ഏകലവ്യൻ] 1954

ആ സമയം തന്നെ ത്രേസ്യയും ലിനിയും ഇറങ്ങി വന്നിരുന്നു. വീട് പൂട്ടി അവർ യാത്ര തിരിച്ചു. മനസ്സിലെ ചിന്തകൾ അലകൾ പോലെ പ്രക്ഷോഭമായത് കൊണ്ട് കാറിലിരിപ്പ് വീർപ്പുമുട്ടലായിരുന്നു. അര മണിക്കൂർ സമയം കൊണ്ട് അവർ വിവാഹാനന്തരമുള്ള പാർട്ടിയിൽ എത്തി.

കൊച്ചിനെ അമ്മച്ചിയുടെ കയ്യിൽ ഏല്പിച്ചത് കൊണ്ട് അവൾക്ക് സുഖമായി നടക്കാൻ പറ്റി. തോമസിനെയും കുടുംബത്തെയും ഹർദ്രവമായി അവർ സ്വീകരിച്ചു.

അമ്മച്ചിയും ലിനിയും കുടുംബക്കാരുടെ ഇടയിൽ പെട്ടപ്പോൾ ഇന്നത്തെ വിചിത്ര കാര്യങ്ങൾ ഓർത്ത് തോമസിന് രണ്ടെണ്ണം അടിക്കണമായിരുന്നു.

അയാളവിടുന്ന് മാറി മദ്യ സൽക്കാരത്തിൽ പങ്കെടുത്തു.

വലിയ കല്യാണ വീടിനോട് അല്പം മാറിയുള്ള ഔട്ട്‌ ഹൗസില്ലായിരുന്നു താത്കാലിക മദ്യ സെറ്റപ്പ്.

ഒരു വാക്കു പോലും പറയാതെ കൂട്ടത്തിൽ നിന്നകന്ന പപ്പയെ അവൾ കണ്ണുകൾ കൊണ്ട് പരതുന്നുണ്ടായിരുന്നെങ്കിലും കൺവെട്ടത്തൊന്നും കാണാൻ സാധിച്ചില്ല.

അപ്പോഴാണ് അലെക്സിന്റെ കൊച്ചച്ചന്റെ പത്നി. ഷെറിൻ ആന്റിയുടെ ക്ഷണനം. മുകളിലെ ബാൽക്കണിയിലേക്ക്..

ത്രേസ്യാക്കൊച്ച് വൈൻ അടിക്കുന്ന കൂട്ടത്തിലായത് കൊണ്ട് പെണ്ണുങ്ങൾക്ക് ബാൽക്കണിയിൽ ഒരുക്കിയ വിരുന്നിൽ അവരും പങ്കെടുത്തു. ലിനിയെയും നിർബന്ധിച്ചെങ്കിലും അവൾ വേണ്ടെന്ന് പറഞ്ഞു. ഡ്രിങ്ക്സ് കഴിക്കാഞ്ഞിട്ടല്ല. അൽപം മാന്യതയാവാമെന്ന് കരുതി. കാരണം അലെക്സിന്റെ എല്ലാ ബന്ധുക്കളും അവിടെയുണ്ട്. അത് കൊണ്ട് കൊച്ചിനേം കൊണ്ട് അവൾ താഴെക്കിറങ്ങി. മിണ്ടാൻ വരുന്ന ബന്ധുക്കളോടൊക്കെ സംസാരിച്ച് ഒരു വിധം തടി തപ്പി.