മധുര പതിനെട്ടിൽ ആയിഷ 6 [ഗില്ലി ബാല] 112

​”ഇതെന്താ ഇക്കാ… ഇന്ന് മുട്ട പുഴുങ്ങിയത് ഇല്ലേ? എനിക്ക് രാവിലെ അത് നിർബന്ധമാണെന്ന് നിനക്കറിയില്ലേ?”

അജു പ്ലേറ്റിലേക്ക് ദോശ വലിച്ചിടുന്നതിനിടയിൽ പരിഭവത്തോടെ ചോദിച്ചു.

​ഫൈസി ഒരു കഷ്ണം ദോശ വായിലേക്ക് വെച്ചുകൊണ്ട് അവനെ ഒന്ന് പുച്ഛിച്ചു നോക്കി.

“മുട്ടയൊന്നും ഇല്ലടാ… ഉള്ളത് നക്കിയിട്ട് എഴുന്നേറ്റ് പോവാൻ നോക്ക്. കടയിൽ പോയി വാങ്ങാൻ എനിക്ക് സൗകര്യമില്ലായിരുന്നു.”

​”അതെന്താ അങ്ങനെ? ഉമ്മ ഉള്ളപ്പോൾ എനിക്ക് മുടങ്ങാതെ തരുന്നതാ. ഇക്ക വന്നപ്പോഴേക്കും എന്റെ മുട്ടയുടെ കാര്യത്തിൽ തീരുമാനമായോ?” അജു വിട്ടുകൊടുക്കാതെ ചോദിച്ചു.

​”എന്നാ മോൻ ഉമ്മ തിരിച്ചു വരുന്നത് വരെ കാത്തിരുന്നോ. അതുവരെ മുട്ട തിന്നണ്ട എന്ന് വെച്ചാൽ മതി. അധികം വർത്തമാനം പറയാതെ തിന്നിട്ട് എഴുന്നേൽക്കാൻ നോക്ക്,”

ഫൈസി ഗൗരവത്തിൽ പറഞ്ഞു.

​രാവിലെ തന്നെ ഇക്കയും അനിയനും മുട്ടയുടെ പേരിൽ തർക്കം തുടങ്ങുന്നത് കണ്ട് ഐഷുവിന് ചിരി അടക്കാൻ കഴിഞ്ഞില്ല.

അവൾ വാ പൊത്തിപ്പിടിച്ച് ചിരിക്കുന്നത് കണ്ട് അജുവിന് വീണ്ടും ദേഷ്യം വന്നു.

​”നീ എന്തിനാടി ചിരിക്കുന്നത്? ഇവൻ വന്നപ്പോഴേക്കും എന്നെ അങ്ങ് സൈഡ് ആക്കുകയാണോ?” അജു കസേരയിൽ നിന്ന് എഴുന്നേൽക്കാൻ ഒരുങ്ങി.

​ഐഷു ഉടനെ വന്ന് അജുവിനെ തടഞ്ഞു. അവൾ അവന്റെ തോളിലൂടെ കൈയ്യിട്ട് അവനെ ബലമായി കസേരയിൽ ഇരുത്തി. എന്നിട്ട് അവന്റെ തോളിൽ ചാരി നിന്നുകൊണ്ട് ഫൈസിയെ ഒന്ന് കണ്ണിറുക്കി നോക്കി.