മധുര പതിനെട്ടിൽ ആയിഷ 6 [ഗില്ലി ബാല] 112

​

​ഫൈസി പോയിക്കഴിഞ്ഞതോടെ ആ വലിയ വീട് പെട്ടെന്ന് നിശബ്ദമായി. ഐഷു ഹാളിലേക്ക് വന്നു അജുവിനെ നോക്കി.

അവൻ അപ്പോഴും തന്റെ സ്പോർട്സ് ബാഗ് റെഡിയാക്കുന്ന തിരക്കിലായിരുന്നു.

​”നീ ഇന്ന് പുറത്ത് പോകുന്നുണ്ടോ അജൂ?”

ഐഷു കൗതുകത്തോടെ ചോദിച്ചു.

​”ഉണ്ടല്ലോ… ഇന്ന് ഗ്രൗണ്ടിൽ പ്രാക്ടീസ് ഉണ്ട്. ഇപ്പൊ പോയാൽ ഉച്ചയാകുമ്പോൾ തിരികെ എത്തും. മറ്റന്നാൾ വലിയൊരു മാച്ച് ഉണ്ട്, അതുകൊണ്ട് ഇന്ന് നല്ല ട്രെയിനിങ് ഉണ്ടാകും,”

അജു തന്റെ ഷൂസ് ലേസ് കെട്ടുന്നതിനിടയിൽ പറഞ്ഞു.

​”അപ്പൊ ഞാൻ ഇവിടെ ഒറ്റയ്ക്കാകുമല്ലോ. ഇക്കുവും പോയി, നീയും പോയാൽ എനിക്ക് ബോറടിക്കില്ലേ?” ഐഷു അല്പം പരിഭവത്തോടെ പറഞ്ഞു.

​അജു ഒന്ന് നിന്നു. അവൻ അവളെ ഒന്ന് നോക്കി. ആ ഗ്രേ ബനിയനിൽ ഐഷുവിനെ കാണാൻ നല്ല ഭംഗിയുണ്ടായിരുന്നു. അവളിലെ പെൺകരുത്ത് ആ വസ്ത്രത്തിനുള്ളിൽ വല്ലാതെ തെളിഞ്ഞു നിൽക്കുന്നു.

​”എന്നാ ഒരു കാര്യം ചെയ്യ്… നീയും കൂടെ വാടി,” അജു കണ്ണിറുക്കി പറഞ്ഞു.

​”ഞാൻ എന്തിനാ അങ്ങോട്ട് വരുന്നത്? അവിടെ വന്ന് ഞാൻ എന്ത് ചെയ്യാനാ?”

​”നീ അവിടെ വന്ന് ഞങ്ങളുടെ കളി കണ്ട് ഇരുന്നോ. കുറേ പയ്യന്മാരുണ്ടാകും, നല്ല രസമായിരിക്കും. വീട്ടിൽ ഒറ്റയ്ക്ക് ഇരിക്കുന്നതിലും നല്ലതല്ലേ ഇത്?”

അജുവിന്റെ ക്ഷണം ഐഷുവിന് ഇഷ്ടപ്പെട്ടു. ബാംഗ്ലൂരിലെ ആ ഇടുങ്ങിയ മുറികളിൽ നിന്നും വന്ന അവൾക്ക് പുറത്തേക്ക് പോകുന്നത് നല്ലൊരു കാര്യമാണെന്ന് തോന്നി.