മധുര പതിനെട്ടിൽ ആയിഷ 6 [ഗില്ലി ബാല] 112

​ആമി ഒന്ന് ചിരിച്ചു, എന്നിട്ട് നെറ്റിയിലെ വിയർപ്പ് തുടച്ചു.

“അവൻ എന്റെ കാമുകനാ ഐഷൂ… ഇതേപോലെ പഞ്ചാര അടിച്ച് ഓരോന്ന് പറഞ്ഞു എന്നെ അങ്ങ് വീഴ്ത്തിയതാ. വീണു കഴിഞ്ഞപ്പോഴാണ് ആളുടെ യഥാർത്ഥ സ്വഭാവം എനിക്ക് മനസ്സിലായത്. ഓരോ പെണ്ണിനെ കാണുമ്പോഴും ഇങ്ങേർക്ക് വല്ലാത്തൊരു ഇളക്കമാണ്. അതുകൊണ്ട് ഇപ്പൊ ഞാൻ ഇങ്ങനെ കൺട്രോളിൽ ഇട്ട് കൊണ്ടുനടക്കുവാ. ശരിക്കും പറഞ്ഞാൽ വാലിൽ കെട്ടിയ പാട്ട പോലെയാ അവൻ എന്റെ കൂടെ,”

ആമി ഗൗരവത്തിൽ പറഞ്ഞെങ്കിലും അവളുടെ കണ്ണുകളിൽ ഒരു കുസൃതിയുണ്ടായിരുന്നു.

​ഐഷു പൊട്ടിച്ചിരിച്ചു പോയി.

“അപ്പൊ നിനക്ക് നല്ല പണിയാണല്ലോ കിട്ടിയത്.”

​”എന്ത് ചെയ്യാനാ, ഇഷ്ടപ്പെട്ടു പോയില്ലേ. അവന്റെ ഈ വായന അവസാനിപ്പിക്കാതെ എനിക്ക് സമാധാനം കിട്ടില്ല,”

ആമി പറഞ്ഞു നിർത്തിയപ്പോഴേക്കും അജു മൈതാനത്ത് നിന്നും കിതച്ചുകൊണ്ട് അവിടേക്ക് നടന്നു വന്നു.

​അവന്റെ ജെഴ്സി വിയർപ്പിൽ കുതിർന്നിരുന്നു. മുടിയിഴകളിൽ നിന്നും വിയർപ്പുതുള്ളികൾ മുഖത്തേക്ക് ഒലിച്ചിറങ്ങുന്നുണ്ട്. ഐഷുവിന്റെയും ആമിയുടെയും ഇടയിലേക്ക് അവൻ വന്നു നിന്നു.

​”എന്താടാ അജൂ… ഇന്ന് നേരത്തെ നിർത്തിയോ?” ഐഷു അവനെ നോക്കി ചോദിച്ചു.

​അജു ഒന്ന് അമർത്തി ശ്വാസം വിട്ടു. ദൂരെ ഗ്രൗണ്ടിൽ തളർന്നിരിക്കുന്ന ഷാനിയെ അവൻ ഒന്നു നോക്കി. “ആഹ് .. ആ ഷാനിയെ സബ്ബ് ഇറക്കി.  എന്തോ വല്ലാതെ കിതയ്ക്കുന്നു… അതുകൊണ്ട് ഇന്ന് ഇത്രയൊക്കെ മതി എന്ന് വെച്ചു,