മന്ദാരക്കനവ് 8 [Aegon Targaryen] 2638

 

“അതെന്താ നിനക്ക് എന്നെ അല്ലാതെ കണ്ടിട്ട് പിടിക്കുന്നില്ലേ…?” ശാലിനി തമാശ രൂപേണ ചോദിച്ചു.

 

“എങ്ങനെ കണ്ടാലും എനിക്ക് പിടിക്കും…പക്ഷേ സാരി ഉടുത്ത് കണ്ടിട്ടില്ലല്ലോ അതുകൊണ്ട്…”

 

“ഹാ എന്തേലും വിശേഷം വരട്ടെ അപ്പോ ഉടുക്കാം…”

 

“അതൊക്കെ ഇനി എപ്പോഴാ…നാളെ ഉടുക്ക്…”

 

“നാളെയോ…പോടാ ചെറുക്കാ…”

 

“അതിനെന്താ…?”

 

“പിന്നേ…നാളെയൊന്നും പറ്റില്ല…ഒന്നാമത് എനിക്ക് സാരി ഉടുക്കാനുള്ള മടി അമ്മയ്ക്കറിയാം…പിന്നെ നാളെ ചുമ്മാ സാരി ഉടുത്ത് നിൽക്കുന്നത് കണ്ടാൽ അമ്മ എന്ത് വിചാരിക്കും…ഞാൻ എന്തോ പറയും…?” ശാലിനി ചോദിച്ചു.

 

“ഓ…ഇനി എന്നാണാവോ അടുത്ത വിശേഷം സാരി ഉടുക്കാൻ…?”

 

“അടുത്തത്…ഹാ ഉത്സവം വരുന്നുണ്ട് അപ്പൊ ഉടുക്കും…” ഒന്നാലോചിച്ച ശേഷം ശാലിനി പറഞ്ഞു.

 

“ഉത്സവമോ…ഇവിടോ…എന്തോ ഉത്സവം…അതിനിവിടെ അമ്പലമുണ്ടോ…?” ആര്യൻ്റെ മുഖത്ത് സംശയം നിറഞ്ഞു.

 

“ഉണ്ടല്ലോ…അത് നിനക്കറിയില്ലേ…?”

 

“ഇല്ലാ…എവിടെ…?”

 

“കനാല് കേറി കുറച്ച് പോണം…വർഷത്തിൽ ഒരിക്കലേ തുറക്കൂ അത്…അന്നാണ് ഉത്സവം…ഈ നാട്ടിലുള്ളവർ എല്ലാരും ഒരുമിച്ച് ഒത്തുകൂടുന്ന ദിവസമാ അന്ന്…”

 

“അത് ശരി…അതെന്നാ ഇനി…?”

 

“അടുത്ത മാസം…”

 

“അടുത്ത മാസമോ!…അപ്പൊ അതുവരെ ഞാൻ ചേച്ചിയെ സാരിയിൽ കാണാൻ കാത്തിരിക്കണോ…?”

 

“ഇത്രയും നാളും നീ കണ്ടില്ലല്ലോ…അപ്പൊ പിന്നെ ഒരു മാസം കൂടി കാത്തിരുന്നൂടെ…”

 

“അതിന് ഇപ്പോഴല്ലേ അങ്ങനെയൊരു ആഗ്രഹം ഉണ്ടായത്…”

 

“തൽക്കാലം ആ ആഗ്രഹം അവിടെ ഇരിക്കട്ടെ…മോൻ ഇത് നോക്കിക്കേ ഇതിലേതെങ്കിലും മതിയോ…?” ശാലിനി രണ്ടുമൂന്ന് നൈറ്റി എടുത്ത് കാണിച്ചുകൊണ്ട് അവനോട് ചോദിച്ചു.

 

“ഹാ ഇത് ലിയ ചേച്ചിക്ക് പാകം ആകുമെന്ന് തോന്നുന്നു…” അതിലൊരു വെള്ള നൈറ്റി നോക്കിക്കൊണ്ട് ആര്യൻ പറഞ്ഞു.

 

“ഹോ എന്തൊരു ഉറപ്പാ…നീ ഇതിന് മുൻപും പുള്ളിക്കാരിക്ക് നൈറ്റി എടുത്ത് കൊടുത്തിട്ടുണ്ടോ…?” ശാലിനി കുശുമ്പ് കുത്തി.

 

“നല്ല കുശുമ്പുണ്ടല്ലോ എൻ്റെ മന്ദാരത്തിന്…” ആര്യൻ ചിരിച്ചു.

 

“ഹും…” ശാലിനി മുഖം തിരിച്ചു.

 

“എൻ്റെ ചേച്ചീ…കണ്ടാലറിഞ്ഞൂടെ പാകം ആകുമോ ഇല്ലിയോന്ന്…!” ആര്യൻ അവൾടെ മുഖം തിരിച്ചുകൊണ്ട് ചോദിച്ചു.