മംഗല്യധാരണം 7 [Nishinoya] 657

“…നിങ്ങൾ അകത്ത് കയറി ഓർഡർ ചെയ്തോ ഞാൻ വണ്ടി പാർക്ക് ചെയ്തിട്ട് വരാം…” എല്ലാരേയും വണ്ടിയിൽ നിന്നും ഇറക്കി ഞാൻ പറഞ്ഞു.

“… എന്നാ ഞാനും വരാം…” ഗായു എന്റെ ഒപ്പം വരാം എന്ന് പിടിവാശി പിടിച്ചു.

അടുത്തുള്ള ബിയർ പാർലർ അവളെ കണ്ണ് കൊണ്ട് കാണിച്ചു. അവൾക്ക് കാര്യം മനസിലായി. മാമനെയും മാമിയെയും കൊണ്ട് അവൾ അകത്തേക്ക് പോയി. പാർക്കിങ്ങ് കുറച്ചു മാറിയായിരുന്നു. അതുകൊണ്ട് തന്നെ കാർ പാർക്ക് ചെയ്ത് 5 ബിയറും വാങ്ങി വണ്ടിയിൽ വച്ചു അവരുടെ അടുത്തേക്ക് പോയി. ഞാൻ ചെല്ലുമ്പോൾ ഓർഡർ ചെയ്ത ഫുഡ്‌ collect ചെയ്യുന്നതേ ഉണ്ടായിരുന്നുള്ളു.

“…എന്തായി…” ആകാംഷയോടെ ഗായു ചോദിച്ചു.

“… ഓൾ സെറ്റ്…” ഞാൻ 👍കാണിച്ചു.

“…എന്താ പിള്ളേരെ ഒരു ചുറ്റിക്കളി…”ഞങ്ങടെ മട്ടും മാതിരിയും കണ്ട് മാമി ചോദിച്ചു.

“…ചുറ്റികളിയോ എന്ത് ചുറ്റിക്കളി…”ഗായു പതിയെ ആ ടോപ്പിക്ക് വഴിതിരിച്ചു വിട്ടു.

അവിടത്തെ ഫുഡ്‌ അടിയൊക്കെ കഴിഞ്ഞ് ഞങ്ങൾ വീട്ടിൽ എത്തി. മാമിയും മാമനും ഉറങ്ങാൻ കിടന്നതും ബിയർ മുകളിൽ എത്തിച്ചു.

“… ടച്ച് ഒന്നും വാങ്ങിയില്ലേ ആദിയേട്ട…” ബിയർ എല്ലാം എടുത്ത് വയ്ക്കുന്നതിന്റെ ഇടക്ക് ഗായു തിരക്കി.

“…ഉണ്ടല്ലോ…” പോക്കറ്റിൽ നിന്നും ചോക്ലേറ്റ് എടുത്തു.

“… അയ്യേ ഇതെന്ത ചോക്ലേറ്റ്…”

“… Rum അടിക്കുമ്പോൾ ടച്ച്‌ ആയിട്ട് ചോക്ലേറ്റ് കഴിക്കണം സ്വർഗം…” കണ്ണടച്ചു ഞാൻ ആ ഫീലിൽ പറഞ്ഞു.