മംഗല്യധാരണം 7 [Nishinoya] 657

“… ഇല്ല ഇല്ല. എനിക്ക് അവളോട് സ്നേഹ. ഏട്ടൻ പറയുന്നത് കേൾക്ക് മോളെ ആ കുപ്പി താഴെ വയ്ക്ക്. പ്ലീസ്…”

“… എന്നാ എന്റെ ചേച്ചിക്ക് ഒരു ഉമ്മ കൊടുക്ക് എന്നാ ഞാൻ കുപ്പി താഴെ വയ്ക്കാം ഇല്ലങ്കിൽ…” അവൾ കുപ്പി എന്നുകൂടി എന്റെ നേരെ ഓങ്ങി. ഞാൻ എന്തായാലും പെട്ടു. ചാരുവിനെ നോക്കിയപ്പോ അവിടെ അതിനേക്കാൾ കഷ്ട്ടം.

“… ദാ ഇവിടെ…” അതും പറഞ്ഞു അവളുടെ കവിൾ എന്റെ നേരെ നീട്ടി കണ്ണും അടച്ച് ഇരിക്ക.

ഇവൾക്ക് ഉമ്മ കൊടുത്തില്ല എങ്കിൽ ഇവൾ എന്റെ തല അടിച്ചു പൊട്ടിക്കും. രണ്ടിനെയും കൂടി അങ്ങ് ചവുട്ടി കൊന്നാലോ. ഗതികേട് ഇനി വേറെ വഴിയില്ല ഞാൻ ചരുവിന്റെ കവിളിൽ ഉമ്മ കൊടുത്തു.

“… ചേച്ചി ഹാപ്പി അല്ലെ…” ഗായു ചോദിച്ചതും അവൾ പുചിരിച്ചോണ്ട് തലയാട്ടി.

രണ്ടും കൂടി എന്തൊക്കെയോ കാണിച്ചു കൂട്ടി. ഞാൻ 2 ബിയർ ഇവർക്ക് ഒന്നര ബിയർ വീതം അത് കണക്ക് കൂട്ടിയാണ് ഞാൻ വാങ്ങിയത്. ഇപ്പൊ ഞാൻ ഒരു ബിയർ ഇവളുമാർ 2 ബിയർ എന്നായി. ഞാൻ ഇപ്പോഴും പച്ചക്ക് ഇരിക്കാണ് 🫠. ബിയർ തീർന്നതും രണ്ടും ഓഫ്‌ ആയി. ഗായുവിന് പിന്നയും ബോധം ഉണ്ട്. അവളെ തോളിൽ താങ്ങി അവളുടെ മുറിയിൽ കൊണ്ട് കിടത്തി. തിരിച്ചു ബാൽക്കണിയിൽ എത്തിയപ്പോ പാമ്പ് ഇര വിഴുങ്ങിയ പോലെ കിടക്കാണ് ചാരു. അവളെ രണ്ട് കൈയിലും കോരിയെടുത്ത് ഞങ്ങടെ മുറിയിലേക്ക് പോയി. കട്ടിലിൽ കിടത്തി ഞാൻ തിരിഞ്ഞതും എന്റെ കൈയിൽ അവൾ കയറി പിടിച്ചു.

“…ആദി എന്നെ വിട്ട് പോവല്ലെടാ… പ്ലീസ് ടാ… എനിക്ക് നിന്നെ ഒരുപാട് ഇഷ്ട്ടാടാ…” എന്നിങ്ങനെ പിച്ചും പേയും പറഞ്ഞോണ്ട് ഇരുന്നു.