മംഗല്യധാരണം 8 [Nishinoya] 511

 

 

 

ഇപ്പൊ എന്താ ഉണ്ടായേ തെറ്റായിട്ട് ഒന്നും ഞാൻ പറഞ്ഞില്ലല്ലോ. പുള്ളി നല്ല കലിപ്പിലാ കാര്യം എന്താണെന്ന് പിടി കിട്ടുന്നും ഇല്ലല്ലോ.

 

 

 

“… വീട്ടുകാരുടെ സുഖ വിവരം അന്വേഷിക്കാൻ വന്നേക്ക. ബാക്കി ഉള്ളർ ചത്തോ ജീവനോടെ ഉണ്ടോ എന്ന് ആർക്കും അറിയണ്ട. ഒന്നുമില്ലെങ്കിലും എങ്ങനെ എങ്ങനെ വന്നെന്നു പോലും ചോദിച്ചില്ല ദുഷ്ടൻ…” പുള്ളികാരി പിറുപിറുത്തത് ആണെങ്കിലും ഞാൻ അത് നല്ലപോലെ കേട്ടു.

 

 

 

അപ്പൊ ഇതാണ് കാര്യം. അവളുടെ കാര്യങ്ങൾ അനേഷിക്കാത്തതിന്റെ പരിഭവം ആണ്. ചാരുവിനെ നെഞ്ചോട് ചേർത്ത് എല്ലാ പരിഭവവും തീർക്കണം എന്നുണ്ട്. പക്ഷെ അതിനുള്ള സമയം ആയിട്ടില്ല

 

 

 

രാവിലെ കുളിച്ചിട്ട് വന്നപ്പോ ബെഡിൽ കോഫി ഉണ്ടായിരുന്നു. എല്ലാം പഴയത് പോലെ ആയി. കാപ്പി കുടിക്കാൻ ചെന്നപ്പോ ചാരു തന്നെ എല്ലാം എടുത്ത് തന്നു. മനസ്സിൽ എന്തോ വല്ലാത്ത സന്തോഷം. ഓഫീസിൽ എല്ലാരേയും വിഷ് ചെയ്തോണ്ട് കേബിനിലേക്ക് കയറി. ഇതുവരെ ഇല്ലാത്ത ഒരു ഉന്മേഷം.

 

 

 

“…എന്താടാ രാവിലെ തന്നെ ഒരു ഇളക്കം…” വല്ലാതെ ആക്റ്റീവ് ആയ എന്നെ കണ്ട് കാർത്തി ചോദിച്ചു.

 

 

 

“…ഒന്നും ഇല്ല…”

 

 

 

“… അതല്ല. ഇന്നലെ വളരെ sad അടിച്ചു ഇരുന്ന നീ ഇന്ന് വല്ലാത്ത സന്തോഷത്തിൽ. കാര്യം പറയടാ…”

 

 

 

“… ഒന്നും ഇല്ല ചാരു തിരിച്ചു വന്നു…”

 

 

 

“… ഓ അങ്ങനെ വരട്ടെ. പൊണ്ടാട്ടി തിരിച്ചു വന്നതിന്റെ സന്തോഷമാണ് ഈ കാണുന്നത്…” ഞാൻ അതിനൊന്നും ചിരിച്ചു കാണിച്ചു.