മനുഷ്യപ്പറ്റില്ലാത്തവൾ [മന്ദൻരാജാ] UPDATED 2.0 355

“‘ രണ്ടാം ക്‌ളാസ് മുതൽ പിജി കഴിഞ്ഞു നിൽക്കുന്നവർ വരെയുണ്ട് . ഇത് കണ്ടോ എന്റെ മൂത്ത മോളെ “”

കയ്യിലിരുന്ന മൊബൈലിൽ നിന്നൊരു ഫോട്ടോയെടുത്തവർ കാണിച്ചു . കറുത്ത ഒരു പെൺകുട്ടി . കറുത്തത് ആണെങ്കിലും അവളുടെ മുഖത്തെ ഐശ്വര്യം അമ്മയെ പോലെ തന്നെ .അതേപോലെ സുന്ദരി . എങ്ങനെയവൾ ഇത്ര കറുത്തതായി എന്നായിരുന്നു എന്റെ ചിന്ത . ഒരു പക്ഷെ ഇവരുടെ ഹസ് കറുത്തതാവാം,.അതുമല്ലെങ്കിൽ .

അപ്പോഴാണ് ഞാൻ അവർ പറഞ്ഞത് ഓർത്തത് . ഹസ് ഏഴെട്ടു കൊല്ലമായി വീൽചെയറിൽ ആണെന്ന് . . ആണൊരുത്തനായ എന്റെ ചിന്ത പക്വതയിൽ നിന്നപക്വതയിലേക്ക് മാറി . ഏഴെട്ടു വർഷമായി അയാൾ വീൽചെയറിൽ ആണെങ്കിൽ ,അവരുടെ മൂത്ത മോളെ പോലെ അയാൾ കറുത്തത് ആണെങ്കിൽ ഇവർക്കെന്നോട് ആശയുണ്ട് . ഉണ്ട് …ഉണ്ട് …ഉണ്ട്…. അത് കൊണ്ടാണല്ലോ എന്നോടവർ സംസാരിച്ചത് .. അല്ലെങ്കിലും ഞാൻ കാണാൻ അത്ര മോശമല്ല . വെളുത്ത നിറവും കരുത്തുറ്റ ശരീരവുമുളള ഏതൊരു പെണ്ണും കൊതിക്കുന്ന ഒരു പുരുഷൻ തന്നെയാണ് ഞാൻ

“‘ എന്റെ മൂത്ത മോളെ കാണാൻ ഒരു കൂട്ടർ വന്നിരുന്നു . കറുപ്പാണെന്നു പറഞ്ഞിട്ട് തന്നെയാണ് വന്നത് . പക്ഷെ അവരാ കറുപ്പിന് പകരം കുറച്ചു നോട്ടിന്റെ കെട്ടുകളാണ് ആവശ്യപ്പെട്ടത് . അതിലും രസം ആ പയ്യൻ അവളെ പ്രണയിച്ചിരുന്നു എന്നതാണ് . സാമ്പത്തികമില്ല , സൗന്ദര്യമില്ല എന്നറിഞ്ഞു തന്നെ പ്രണയിച്ചവൻ കാര്യത്തോടടുത്തപ്പോൾ സ്ത്രീധനം ചോദിച്ചിരിക്കുന്നു. എന്തിനാണ് നിങ്ങൾ പ്രണയിക്കുന്നത് പിന്നെ ? കാശും സമ്പത്തും ജോലിയും ഒക്കെ ഉള്ള പെൺകുട്ടിയെ തപ്പിയാണോ പ്രണയിക്കുന്നെ ? കണ്ടാൽ ഒരിഷ്ടം അടുപ്പം തോന്നുന്നവരെ അല്ലെ പ്രണയിക്കുന്നത് . ആ പ്രണയം അവർ സാമ്പത്തികമില്ല സ്വന്തം ജാതിയല്ല മതമല്ല എന്നൊക്കെയുള്ള കാര്യത്തിൽ മാറുമോ ? വിഷ്ണു പ്രണയിച്ചിട്ടുണ്ടോ ? ഓ ..ഇല്ല … ശെരി .. പ്രണയിക്കാൻ ആഗ്രഹിക്കുന്നുണ്ടോ ?”’

ദേവിയെ പോലെയുള്ള ഒരു സുന്ദരിയെ ആണെങ്കിൽ എപ്പോഴേ ഞാൻ പ്രണയിച്ചിരുന്നെനേ …ഞാൻ മനസ്സിൽ പറഞ്ഞു .

“‘ വിഷ്ണു ആ പെൺകുട്ടിയെ കണ്ടോ ? ആ ഗ്രീൻ ഡ്രസ്സ് “” വിൻഡോ സീറ്റിൽ മൂന്നു പെൺകുട്ടികളിൽ ഒരുത്തിയെ കാണിച്ചു ദേവി എന്റെ നേരെ നോക്കി . ഞാനവളെ നോക്കി . അവളുടെ രണ്ടു കൂട്ടുകാരികളും കലപിലാന്നു സംസാരിക്കുന്നു . ഇവളാകട്ടെ അവരെ ഇടക്ക് ശ്രദ്ധിക്കുന്നുണ്ടെങ്കിലും മൊബൈലിലാണ് കൂടുതൽ ശ്രദ്ധ . അവൾ അതിവേഗത്തിൽ ആരോടോ ചാറ്റ് ചെയ്യുന്നു . നല്ല സുന്ദരിപ്പെണ്ണ് . ബോയ് ഫ്രണ്ടിനോടാവാം

“‘ ഊമയാണാ പെൺകുട്ടി . അവളൊരാളെ പ്രണയിക്കുന്നുണ്ട് .അവനോടാണ് ചാറ്റ് . അവൾക്ക് സംസാരിക്കാൻ പറ്റില്ലല്ലോ .വിഷ്ണു അവളെ ഇപ്പോൾ കണ്ടു . ഇഷ്ടപ്പെട്ടു പ്രണയിക്കാൻ ഒരു ഇഷ്ടം … പക്ഷെ ഞാനവൾ ഊമയാണെന്ന് പറഞ്ഞത് കൊണ്ടാ ഇഷ്ടം ഇല്ലാതാകുമോ ? ചിലപ്പോൾ പ്രായോഗികമായി ചിന്തിച്ചാൽ ഒരു പക്ഷെ ഇഷ്ടപ്പെടില്ലായിരിക്കാം “”

“‘ ദേവി പ്രണയിച്ചാണോ വിവാഹം കഴിച്ചത് ?”’ ഒരു മറു ചോദ്യമായിരുന്നു എനിക്കവരോട് ചോദിയ്ക്കാൻ ഉണ്ടായിരുന്നത് . കാരണം അവർ പ്രണയത്തെ കുറിച്ച് അത്ര മനോഹരമായി അവളുടേതായ ചിന്താഗതികൾ പറയുന്നുണ്ട് .

“‘ പ്രണയിച്ചല്ല ഞാൻ വിവാഹം കഴിച്ചത് . പ്രണയിച്ചിരുന്നു . പ്രണയിച്ച ആളെ വിവാഹം കഴിക്കാൻ പറ്റിയില്ല .. അപ്പോൾ വിവാഹം കഴിച്ച ആളെ പ്രണയിക്കുന്നു . ഇപ്പോഴും .””‘

“‘ എനിക്ക് തോന്നി “‘ ഞാനത് പറയുമ്പോഴും മുൻപ് കണ്ട ആ കറുത്ത പെൺകുട്ടിയുടെ പിതാവായ ആ കറുത്ത കോലത്തെ ഇവൾ എങ്ങനെ പ്രണയിക്കുന്നു എന്നായിരുന്നു എന്റെ ചിന്തയിൽ

“‘ രണ്ട് കോഫീ … സോറി വിഷ്‌ണു കോഫിയാണോ ചായയാണോ ?”’ അതിലെ ചായയും കൊണ്ട് വന്നയാളെ വിളിച്ചു കോഫി പറയുമ്പോൾ അവർ എനിക്ക് കൂടി പറഞ്ഞത് എനിക്ക് അവരോടുള്ള ബഹുമാനവും സ്നേഹവും കൂട്ടുകയാണ് ചെയ്‌തത്.