മാറി മറിഞ്ഞ ജീവിതം 3 [ശ്രീരാജ്] 274

പറഞ്ഞ ശേഷം ഹരിക്ക് വേണ്ടിയിരുന്നില്ല എന്ന് തോന്നി…

രെഞ്ചുവിന്റെ ഒരു സെൽഫി ഹരിയുടെ ഫോണിൽ എത്തി…

കിടക്കയിൽ ചാരി ഇരിക്കുന്ന കഴുത്തിനു മേലെ ഉള്ള സെൽഫി.

ഹരി ശരിക്ക് നോക്കിയിട്ട് : മാറ്റം ഉണ്ട് ട്ടോ ചേച്ചി. കവിളൊക്കെ വീർത്തു. പക്ഷെ ഒരു കുറവ് ഉണ്ട് ട്ടോ..

രെഞ്ചു ആകാംക്ഷയോടെ : അതെന്താടാ?..

ഹരി : ചേച്ചിടെ സുന്ദരി മുഖത്ത് ഒരു പുഞ്ചിരി.

രെഞ്ചു തന്റെ റൂമിൽ ഇരുന്ന് പുഞ്ചിരിച്ച രെഞ്ചു, ചിരിച്ചു കൊണ്ട് ഒരു സെൽഫി കൂടി എടുത്ത് ഹരിക്ക് അയച്ചു കൊടുത്തു.

ഫോട്ടോ സൂം ചെയ്തു നോക്കുന്നതിനിടയിൽ എത്തി നോക്കിയ ബെന്നി : ഇതാണോടാ പാർവതി?..

ഹരി ഉടനെ : അയ്യോ ബെന്നിയേട്ടാ ഇത്..

ബെന്നി : നിന്റെ വൈഫ് ആയിരുന്നല്ലേ. സോറി…

ബെന്നിയുടെ മുഖത്ത് നിരാശ ഉണ്ടായിരുന്നു. സംസാരിക്കും ചാറ്റ് ചെയ്യും എങ്കിലും ഇതുവരെ പാർവതിയെ കാണാൻ പറ്റാത്തതിന്റെ നിരാശ.

എന്തുകൊണ്ടോ, ഹരി പിന്നെ ഒന്നും പറയാൻ പോയില്ല..

ഹരി ചാറ്റ് തുടർന്നു: ഇപ്പോഴാ ചേച്ചി മനസ്സ് നിറഞ്ഞത്. ഈ നിറഞ്ഞ ചിരി എപ്പോഴും ഉണ്ടാവണം ചേച്ചിയുടെ മുഖത്ത്.

രെഞ്ചു ചിരിച്ചു കൊണ്ട് : ശ്രമിക്കാടാ..

ഹരി : അത് മതി.. എന്നാൽ ചേച്ചി കിടന്നോ… ഗുഡ് നൈറ്റ്‌..

രഞ്ജുവിന് ഇനിയും സംസാരിക്കണം എന്നുണ്ടായിരുന്നു. എങ്കിലും പറഞ്ഞു : ഗുഡ് നൈറ്റ്‌ ഹരീ…

ഹരി : പിന്നെ… ഒരു പൊട്ടും ജിമിക്കി കമ്മലും, നല്ല ചേർച്ച ഉണ്ടാവുട്ടോ.

രെഞ്ചു: മൂക്കുത്തി കൂടെ അയാലോ?..

ഹരി : ചേച്ചിടെ വട്ട മുഖത്തിന്‌ ചേരില്ല എന്നാ തോന്നുന്നത്.

ഒരിക്കൽ മൂക്ക് കുത്തി, ഇതെ കാരണത്താൽ ഒഴിവാക്കിയതാണ് രെഞ്ചു മൂക്കുത്തി. ഹരി അത് പറഞ്ഞപ്പോൾ രഞ്ജുവിന് എന്തെന്നില്ലാത്ത സന്തോഷം തോന്നി.