മറുനാട്ടിൽ ഒരു ഓണാഘോഷം 9 [ഏകൻ] 143

ആതു വിളിക്കുന്ന ശബ്ദം കേട്ട് പുറത്തേക്ക് വന്ന ഇന്ദുവും. ഗൽബിയെ കണ്ട് പേടിച്ചു പോയി.

അകത്ത് എത്തി ഹാളിലുള്ള സോഫയിൽ അവളെ കിടത്തിയ ശേഷം അവളുടെ നെറ്റിയിലും കൈയിലും ഒക്കെ ഞാൻ നോക്കി. ഫരി കരഞ്ഞു കൊണ്ട് എന്റെ അടുത്ത് തന്നെ ഉണ്ട്. അവൾ ഗൽബിയുടെ ചോരക്കറ പുരണ്ട പാവാട ഉയർത്തി നോക്കി. അവളുടെ കാൽ മുട്ടിലും നന്നായി മുറിഞ്ഞിട്ടുണ്ട്. അതൊക്കെ കണ്ടപ്പോൾ എനിക്ക് ആകെ സങ്കടവും ദേഷ്യവും വന്നു.

ഞാൻ തിരിഞ്ഞു ആതുവിനെ നോക്കി. എന്റെ നോട്ടം കണ്ട ആതു പേടിച്ചുപോയി. ഞാൻ അവളോട് ചോദിച്ചു.

” നീ ഇതിനാണോ ഇവളെ കൂട്ടിക്കൊണ്ടുപോയത്..? കൊണ്ടുപോയി എവിടെയാ തള്ളിയിട്ടത്..? എന്തിനാ നീ എന്റെ പാവം പെണ്ണിനെ തള്ളിയിട്ടത്..? തള്ളിയിട്ട് കൊല്ലാൻ നോക്കിയതാണോ നീ ..? നിന്റെ അമ്മയാണോ നിന്നോട് ഇങ്ങനെ ചെയ്യാൻ പറഞ്ഞത്…? ആണെങ്കിൽ രണ്ടും ഇപ്പോൾ ഇവിടുന്ന് ഇറങ്ങിക്കോണം. ”

ദേഷ്യം വന്ന് ഞാൻ എന്തൊക്കെയോ വിളിച്ചുപറഞ്ഞു. അതു കേട്ട് ആതു വിറച്ചുപോയി. ഞാൻ ഇങ്ങനെ ഒന്നും പറയുമെന്ന് അവൾ സ്വപ്നത്തിൽ പോലും കരുതിയിട്ടുണ്ടാവില്ല. അവൾ എന്നല്ല ആരും.. അവൾ പേടിച്ചു വിറച്ചു കൊണ്ട് അടുക്കളയിലേക്ക് ഓടി.

” സാറേ സാറേ അങ്ങനെയൊന്നും പറയല്ലേ… ആതു ഒന്നും ചെയ്തിട്ടില്ല. ഞാൻ തനിയെ വീണതാ. ആ പാവത്തെ ഒന്നും പറയല്ലേ..? ” സോഫയിൽ കിടന്നു എഴുന്നേൽക്കാൻ ശ്രമിച്ചുകൊണ്ട് ഗൽബി പറഞ്ഞു.

“ഫരി വേണമെങ്കിൽ വേഗം ഡ്രസ്സ് മാറിയിട്ട് വാ. ഗൽബിയുടെ ഡ്രസ്സും മാറ്റി കൊടുത്തോ.. നമുക്ക് ഹോസ്പിറ്റലിൽ പോകാം. ” അങ്ങനെ പറഞ്ഞു കൊണ്ട് ഞാൻ വേഗം മുകളിലേക്ക് ഓടി.