മറുപുറം 2 [Achillies] 689

മിച്ചമുള്ള ബോധത്തിൽ കണ്ണ് തുറന്ന രാഹുൽ തനിക്കടുത്തു നിൽക്കുന്ന അപരിചിതരെ കണ്ട അവന്റെ കണ്ണുകൾ ഒന്ന് ചിമ്മി വിടർന്നു.

“ആരാ….നീയൊക്കെ ഏതാ…”

രാഹുലിന് ബോധം വന്നത് കണ്ട കൂട്ടത്തിൽ ഇരുന്നവൻ ഞെട്ടി,

“അത് ഒന്നുമില്ല ചേട്ടാ…”

പതർച്ചയോടെ അവൻ പറയുമ്പോഴും രാഹുലിന്റെ നോട്ടത്തിൽ തന്റെ പോക്കറ്റിലേക്ക് കയ്യിട്ടു പേഴ്സ് തപ്പുന്ന അവനെ കണ്ടതും രാഹുലിന് കാര്യം മനസ്സിലായി.

“കയ്യെടുക്കട മൈരെ….”

ഇരച്ചു കയറിയ ചോര നൽകിയ തരിപ്പിൽ രാഹുൽ അവന്റെ കൈ തട്ടി തെറിപ്പിച്ചു.

“ഹാ ചേട്ടൻ ഒച്ച വെക്കല്ലേ ചേട്ടാ…ഞങ്ങൾ ഇവിടെ കിടക്കുന്നത് കണ്ടു ബോധം ഉണ്ടോന്നു നോക്കിയതല്ലേ…”

രാഹുലിന്റെ പ്രതികരണത്തിൽ അപ്രതീക്ഷിതമായി പേടിച്ച അവൻ രാഹുലിന്റെ കൈ പിടിച്ചു വെക്കാൻ നോക്കിക്കൊണ്ടു പറഞ്ഞു,
ആരും തങ്ങളെ ശ്രെദ്ധിക്കുന്നില്ലെന്നു മൂന്നാമൻ ചുറ്റും നോക്കി ഉറപ്പ് വരുത്തിക്കൊണ്ടിരുന്നു.

ഇതിനിടയിൽ വീണ്ടും സ്വരം ഉയരുന്നത് കണ്ട രാഹുലിന്റെ വാ മൂടിക്കൊണ്ടു ഒരുത്തൻ കൈ വെച്ചതും രാഹുൽ അവന്റെ കൈക്ക് കടിച്ചതും ഒരുമിച്ചായിരുന്നു.

“ഹ്രാ…..ഡാ….”

വേദനയെടുത്തവൻ അലറി വിളിച്ചതും അവന്റെ കൈ ഊക്കിന് മുഖത്ത് പതിഞ്ഞതും ഒരുമിച്ചായിരുന്നു.

ഇടി കൊണ്ട് രാഹുലിന്റെ മൂക്കിൽ പൊട്ടലുണ്ടായി,
അവൻ വേദന കൊണ്ട് പുളഞ്ഞു എഴുന്നേറ്റു,
ബാക്കി ഉണ്ടായിരുന്ന ഊർജ്ജം മുഴുവനെടുത്തു തള്ളി മാറ്റി എഴുന്നേറ്റു ഓടിയതും ആടിയുലഞ്ഞു അധികം എത്തും മുൻപ് കാലിനടിയേറ്റു അവൻ വീണു.
പിന്നിൽ ആക്രോശം കേട്ട രാഹുൽ കൈകൊണ്ട് പരതിയപ്പോൾ കിട്ടിയ ഒരു വടിയുമായാണ് തിരിഞ്ഞത്,
അവനെ പിടിക്കാൻ മുന്നോട്ടാഞ്ഞ അവന്റെ മുഖത്ത് അടികിട്ടിയതും മറ്റൊരുവൻ വന്നു രാഹുലിന്റെ നെഞ്ചിൽ ചവിട്ടി.

മണ്ണിൽ കിടന്നു പുളഞ്ഞ രാഹുലിനെ വലിച്ചുപൊക്കിയ ഒരുത്തന്റെ മൂക്കിൽ തല വച്ച് ഇടിച്ച ശേഷം നിലത്തു കിടന്ന വടിയുമായി ഞൊണ്ടി ഞൊണ്ടി, അവൻ റോഡിലേക്ക് അലറിക്കൊണ്ട് ഓടി,

ബഹളം കേട്ട് അപ്പുറത്തെ കടയിലെയും മറ്റും ആളുകൾ ഇങ്ങോട്ടേക്ക് വരുന്നത് കണ്ട മൂന്നുപേരും വേഗം സ്ഥലം വിട്ടു,

ഇതൊന്നും അറിയാതെ റോഡിലേക്ക് ഓടിയിറങ്ങിയ രാഹുൽ അലറിക്കൊണ്ട് കയ്യിലിരുന്ന വടി തന്റെ പിറകിൽ ആള് വരുന്നുണ്ടെന്ന തോന്നലിൽ ചുഴറ്റിയതും അത് പിടി വിട്ടു പോയതും ഒരുമിച്ചായിരുന്നു,
ഒച്ചയിട്ടുകൊണ്ടു നിയന്ത്രണം തെറ്റി വന്ന ഒരു കാറിനു മുന്നിലേക്ക് അവൻ ചാടിയതും ബ്രെക്കിട്ട കാറിലേക്ക് ഒന്ന് ചാഞ്ഞ രാഹുൽ ബോണറ്റിന് മേലെ ബോധം കെട്ട് വീണു…

തുടരും….

ആദ്യ ഭാഗത്തിന് ഞാൻ പ്രതീക്ഷിച്ചതിലും കൂടുതൽ സ്വീകരണം തന്ന എന്റെ പ്രിയപ്പെട്ടവർക്ക് ഹൃദയം നിറഞ്ഞ നന്ദി…

സ്നേഹപൂർവ്വം…❤❤❤