മിസ്സ് ഇങ്ങനെ ചിരിക്കുന്നത് കേട്ടപ്പോ കഴിഞ്ഞ രാത്രി നടന്ന കാര്യങ്ങൾ മിസ്സിനെ അത്ര വലുതായി ബാധിച്ചിട്ടില്ലെന്ന് തോന്നിപ്പോയി. അപ്പൊ എന്റെ മനസ്സിന് ചെറിയൊരു ഭാരം കുറഞ്ഞത് പോലെയും അനുഭവപ്പെട്ടു.
“മ്മ്, അറിയണം.” നിത്യ ടീച്ചർ അത്യുല്സാഹപൂര്വ്വം പറഞ്ഞു.
“ശെരി, ഞാൻ പറയാം.” മിസ്സ് പറഞ്ഞു തുടങ്ങി.
ഞാനും കാത് കൂർപ്പിച്ച് നിന്നു. എനിക്ക് മിസ്സിന്റെ വീട്ടിലുള്ള പ്രശ്നങ്ങളൊക്കെ അറിയാമായിരുന്നു, പക്ഷേ മിസ്സ് എന്നോട് ഇത്രയും അടുക്കാനുണ്ടായ കാരണമൊന്നൂം അറിയില്ല, മിസ്സ് എന്നോട് അതിനെ കുറിച്ചൊന്നും പറഞ്ഞിട്ടുമില്ലായിരുന്നു.
“ജിനു ആ സ്കൂളിൽ ഒന്പതിൽ പഠിക്കുമ്പോഴാണ് ഞാന് അവിടെ ജോയിൻ ചെയ്തത്. ആ സ്കൂളില് തന്നെയായിരുന്നു എന്റെ കന്നി അപ്പോയിന്റ്മെന്റ്. ഞാൻ അവിടെ ജോയിൻ ചെയ്യുന്നതിന് മുമ്പ് വരെ ആണുങ്ങളോട് എനിക്ക് ഒരുതരം വെറുപ്പായിരുന്നു. അനാവശ്യമായി ചെറിയ പയ്യന്മാരോട് പോലും ഞാൻ സംസാരിക്കില്ലായിരുന്നു.”
അത്രയും പറഞ്ഞിട്ട് അസ്വസ്ഥത കാരണം മിസ്സ് ഒന്ന് നിര്ത്തി.
“ചേച്ചി, ആണുങ്ങളെ അങ്ങനെ വെറുക്കാൻ എന്തായിരുന്നു കാരണം?” ടീച്ചർ ഉടനെ ചോദിച്ചു.
“കാരണം — എനിക്ക് വെറും 6 വയസ്സുള്ളപ്പോ എന്നെയും അമ്മയെയും വിട്ടിട്ട് അച്ഛൻ വെറുമൊരു വേശ്യയായിരുന്ന പെണ്ണിന്റെ കൂടെ നാടുവിട്ട് പോയത് ആദ്യത്തെ കാരണം. അച്ഛൻ പോയി രണ്ട് മാസം കഴിഞ്ഞ്, ഒരു രാത്രി അച്ഛന്റെ അനിയനും ഒരു കൂട്ടുകാരനും കൂടി ഞങ്ങടെ വീട്ടില് വന്ന്, ഞാൻ നോക്കി നില്ക്കുന്നുവെന്ന കൂസലില്ലാതെ, എന്റെ അമ്മയെ റേപ്പ് ചെയ്തിട്ട് പോയത് രണ്ടാമത്തെ കാരണം. പിന്നെ, അടുത്ത വീട്ടിലെ ഒരു ഇലക്ട്രീഷൻ ചേട്ടനെ എന്തോ ശെരിയാക്കാൻ അമ്മ വീട്ടിലേക്ക് വിളിച്ചപ്പോ അയാള് വന്ന് ശെരിയാക്കി, അതുകഴിഞ്ഞ് അയാള് അമ്മയെ കേറി പിടിച്ചു. പക്ഷേ അമ്മ അടി കൊടുത്തപ്പോ അയാള് ക്ഷമ ചോദിച്ചിട്ട് ഓടി രക്ഷപ്പെട്ടു. ഭർത്താവ് ഉപേക്ഷിച്ച സ്ത്രീയെ പലരും കേറി കൈ വയ്ക്കുമെന്ന പേടി കാരണം, എന്റെ അമ്മയെ പണ്ടു തൊട്ടേ ഇഷ്ടമായിരുന്ന സ്വന്തം മുറച്ചെറുക്കനേയാണ് അമ്മ രണ്ടാമതായി പിന്നീട് കല്യാണം കഴിച്ചത്.”
