ഉയരമുള്ള മരത്തിൽ നിന്നും പഴുത്ത ചക്ക സിമന്റ് തറയില് വീണത് പോലത്തെ ശബ്ദം കേട്ടും, അയാളുടെ വേദനാജനകമായ വീഴ്ചയും കണ്ടിട്ട് എനിക്ക് പോലും സഹിച്ചില്ല.
ധ്വനിയും അയാളുടെ മാമാന്റെ വീഴ്ച കണ്ടിട്ട് അവള്ക്ക് കഠിനമായി വേദനിച്ച പോലെയാണ് അവളുടെ ഹൃദയത്തിൽ കൈ വച്ചുകൊണ്ട് ദയയോടും സങ്കടത്തോടും അവളുടെ മാമനെ നോക്കി നടുങ്ങി നിന്നത്.
അയാളുടെ തല ശെരിക്കും നിലത്തിടിച്ച് പന്ത് പോലെ മുകളിലേക്ക് ചെറുതായി തെറിച്ച ശേഷം പിന്നെയും നിലത്തിടിച്ച് കിടന്നു. അയാളുടെ ചന്തിയും മുതുകും പൊളിഞ്ഞ് ചിതറി പോകുന്നത് പോലത്തെ അടിയാണ് കിട്ടിയത്.
“അമ്മേ……!!” അയാള് വേദന കാരണം തൊണ്ട കീറി ഒരിക്കൽ അലറി. എന്നിട്ട് ശ്വാസം കിട്ടാതെ കുറേനേരം അയാള് എന്തൊക്കെയോ പരാക്രമം കാണിച്ചു. ശേഷം ബോധം പോയത് പോലെ അയാള് അനങ്ങാതെ കിടന്നു.
ഹോ, ഇത്രത്തോളം അല്ലെങ്കിലും ഇതേ പോലത്തെ വേദന ഞാൻ ഒരിക്കൽ അനുഭവിച്ചതാണ്. പക്ഷേ ഭാഗ്യത്തിന് എന്റെ തല ഞാൻ എങ്ങനെയോ പൊക്കി പിടിച്ചിരുന്നത് കൊണ്ട് മാത്രം ഇയാള്ക്ക് കിട്ടിയത് പോലത്തെ അടി എന്റെ തലയ്ക്ക് കിട്ടിയില്ല. ശെരിക്കും ഞാൻ അനുഭവിച്ചതിന്റെ മൂന്നിരട്ടി വേദനയാണ് ഇപ്പോൾ അയാള് അനുഭവിച്ച് കൊണ്ടിരിക്കുന്നത് എന്നറിയാം.
പുറന്തലയിൽ ഇങ്ങനത്തെ അടി കിട്ടിയാൽ പ്രശ്നമാണ്, പക്ഷേ അയാളുടെ തല ചെറുതായി മാത്രം പൊട്ടി കുറച്ച് രക്തം പുറത്തേക്ക് വന്നത് കണ്ടപ്പോ എനിക്ക് കുറച്ച് സമാധാനമായി. അകത്ത് ബ്ലോക്ക് സംഭവിച്ചാല് മാത്രമാണ് വലിയ പ്രശ്നം ഉണ്ടാവുക. പക്ഷേ ഇപ്പൊ ചെറിയ പൊട്ടൽ ഉണ്ടായിരുന്നാൽ പോലും, അയാള്ക്ക് എഴുന്നേല്ക്കാനും സംസാരിക്കാനും കഴിയുമെങ്കിൽ പേടിക്കേണ്ട കാര്യമില്ല.
