ഉടനെ അവളുടെ മുഖത്ത് ഭയങ്കര സന്തോഷം നിറഞ്ഞു. പക്ഷേ പെട്ടന്നു തന്നെ അവളുടെ മുഖം വാടുകയും ചെയ്തു.
“വേണ്ട ജിനു, എനിക്ക് വേണ്ട. അത്രയും മണിക്കൂറുകൾ വേസ്റ്റ്… അത്രയും കഷ്ടപ്പെടുകയും വേണം.”
“അതൊന്നും സാരമില്ല, ഞാൻ നിനക്കുവേണ്ടി ആ കുഴമ്പ് ഉണ്ടാക്കിയിരിക്കും. പക്ഷേ ഉടനെ ഒന്നും പറ്റില്ല. നാട്ടില് പോയ ശേഷം എനിക്ക് കുറെ കാര്യങ്ങൾ ചെയ്തു തീർക്കാനുണ്ട്. പിന്നെ ഞാൻ പറഞ്ഞില്ലേ, 19 ം തിയതി ജെസ്സിക്കൊപ്പം ഡെല്ഹിയില് പോണമെന്ന്…? അവളുടെ കൂടെ പോയി തിരികെ വന്ന ശേഷം ഞാൻ ആ കുഴമ്പ് ഉണ്ടാക്കും. അതുവരെ മാത്രം ധ്വനി വെയിറ്റ് ചെയ്താൽ മതി.”
“വേണ്ട ജിനു. ഞാൻ കാരണം—”
“നി കാരണം എനിക്കൊരു ബുദ്ധിമുട്ടും ഉണ്ടാകാൻ പോണില്ല. എന്നെ ഒരു അന്യനായി കാണുന്നത് കൊണ്ടാണ് എന്റെ സഹായം വെറുതെ സ്വീകരിക്കാൻ നിനക്ക് ബുദ്ധിമുട്ട് തോന്നുന്നത്.”
“യേയ്, അങ്ങനെ ഒന്നുമില്ല. നിന്നെ അന്യനായിട്ടല്ല ഞാൻ കാണുന്നത്. നീ എന്റെ ഹീറോ അല്ലെ.”
“ഓഹ്… പിന്നെയും ആ ഹീറോ പറച്ചില് തുടങ്ങി..!!”’ഞാൻ മുഖം ചുളിച്ചു.
“ഓക്കെ അത് പോട്ടെ. ഇത്രയും പഴക്കമുള്ള പാടുകള് മാറാനുള്ള കുഴമ്പ് ഉണ്ടെങ്കിൽ മാർക്കറ്റിൽ നല്ല സേൽസ് ആയിരിക്കണമല്ലോ…? കൂടാതെ ലോകത്തുള്ള എല്ലാവരും ഇതിനെക്കുറിച്ച് അറിയിക്കുകയും ചെയ്യണം. പക്ഷേ ഞാൻ അങ്ങനെ ഒരു കുഴമ്പിനെ കുറിച്ച് കേട്ടിട്ട് പോലുമില്ല.” അവള് സംശയത്തോടെ ചോദിച്ചു.
“അതിന് കാരണമുണ്ട്. പക്ഷേ തല്കാലം നീ അത് അറിയേണ്ട.”
