അതുകേട്ട് ആന്റിയും ഷീനയും പൊട്ടിച്ചിരിച്ചു. പുതിയ സ്ഥലവും ആളുകളുമായത് കൊണ്ടാവും ധ്വനി വായ പൊത്തി ശബ്ദമില്ലാതെ ചിരിച്ചത്.
അലൻ ജാള്യതയോടെ തല ചൊറിഞ്ഞു. എന്നിട്ട്, എന്റെ കൈയും പിടിച്ച് എന്റെ കൂടെ നില്ക്കുന്ന അവന്റെ ഭാര്യയെ ഒന്ന് പാളി നോക്കി. ഷീന അപ്പോഴും ചിരിച്ച് കൊണ്ടിരുന്നത് കണ്ടിട്ട് ഒടുവില് അവനും ചിരിച്ചു.
ആന്റി കുറച്ച് ബുദ്ധിമുട്ടി ഇടത് കാല് അധികം നിലത്ത് കുത്താതെ അസ്വസ്ഥതയോടെ നില്ക്കുന്നത് കണ്ടപ്പോ എന്റെ ചിരി പെട്ടന്ന് മാറി.
“ആന്റിയുടെ കാലിന് എന്താ പറ്റിയത്..?” ഞാൻ ആന്റിയോട് ചോദിച്ചു. എന്നിട്ട് ആന്റിയുടെ ആ നില്പ്പും ബോഡി ലാംഗ്വേജ് ഒക്കെയും എന്റെ മനസ്സ് സൂക്ഷ്മമായി നിരീക്ഷിച്ച് പ്രശ്നങ്ങൾ എന്താണെന്ന് വേഗം തന്നെ ഗ്രഹിച്ചെടുത്തു.
“വീണതാ..” ഷീന എന്നോട് പറഞ്ഞു.
“കാലിന് മാത്രമാണോ ആന്റി വേദന..?” വീണ്ടും ഞാൻ ആന്റിയെ സൂക്ഷ്മമായി കണ്ണുകൾ കൊണ്ട് പരിശോധിച്ചു.
“ഇടുപ്പിനും വേദന കാണണം. പിന്നെ ഇടത് തോളിലും.” ഞാൻ പറഞ്ഞു. “അതുപോലെ ഇടത് വാരിയെല്ല് ഭാഗത്തും വേദനയുണ്ടാവണം. തുട മസിലും പുരണ്ടു പോയിട്ടുണ്ട്, ശെരിയല്ലേ..?” നിരീക്ഷണത്തോടൊപ്പം തന്നെ അതത് ഭാഗങ്ങളിൽ നോക്കി ഓരോന്നായി പറഞ്ഞു കഴിഞ്ഞിട്ട് ഞാൻ ഒടുവില് ആന്റിയുടെ മുക്കത്തേക്ക് നോക്കി.
ആന്റി ശെരിക്കും അന്തംവിട്ട് നില്ക്കുന്നതാണ് കണ്ടത്. അതുപോലെ അലനും ഷീനയും അന്തംവിട്ട് എന്നെ നോക്കി നില്ക്കുന്നതും ഞാൻ കണ്ടു. ധ്വനി പോലും വിടര്ന്ന കണ്ണുകളോടെ എന്നേയും ആന്റിയേയും മാറിമാറി നോക്കുകയായിരുന്നു.
