മായ ലീലകൾ 4 [മായ] [Climax] 280

“അയ്യോ സ്കൂളിൽ പോകണ്ടേ.. അല്ലെങ്കിൽ തന്നെ മായ മോൾക്കിപ്പോ ഒരുപാടു ബുദ്ദിമുട്ടായിട്ടുണ്ട് എന്നെകൊണ്ട് ”

സന്തോഷേട്ടൻ പറഞ്ഞു..

“എനിക്ക് ഒരു ബുദ്ദിമുട്ടുമില്ല.. എന്റെ മോളെപോലെ തന്നെയാ എനിക്ക് അവളും.

സന്തോഷേട്ടൻ തല
ഉയർത്തി എന്നെ നോക്കി..

ഞാൻ തുടർന്നു.. “എന്നും എന്റെ മോളായി ഞാൻ നോക്കട്ടെ അവളെ?”

മനസിലായില്ലെന്ന ഭാവത്തിൽ സന്തോഷേട്ടൻ എന്നെ നോക്കി..

“അതെ ചേട്ടാ എന്നും അവൾക്കു കൂട്ടായി, അവളുടെ അമ്മയായി കൂടെ ഉണ്ടാവട്ടെ എന്ന് !”..ഞാൻ ചേട്ടന്റെ മുഖത്തേക്ക് നോക്കി പറഞ്ഞു..
അദ്ദേഹം തല കുനിച്ചു നിന്നു.. ഒന്നും മിണ്ടിയില്ല കുറച്ചു നേരം മൗനമായിട്ടിരുന്നു

എന്നിട്ട് തല അല്പം ഉയർത്തി പറഞ്ഞു..

“മോളെ ഞാൻ നിന്നെ അങ്ങനെ ഒന്നും കണ്ടിട്ടില്ല കൂടാതെ അവളുടെ അമ്മയുടെ സ്ഥാനത്ത് മറ്റൊരാളെ കാണാൻ അവൾക്കും ബുദ്ധിമുട്ടാവും.”

ചേട്ടൻ പറഞ്ഞു നിർത്തി.. ഞാൻ ഒന്നും മിണ്ടാതെ നിന്നു..

“അത് മാത്രമല്ല മോളെ എന്റെ വീട് നീ കണ്ടതല്ലേ.. അവിടെ സൗകര്യങ്ങൾ ഒകെ കുറവാ. നിങ്ങളെപ്പോലെ ഉള്ളവർക്കൊന്നും പറ്റില്ല അവിടെ കഴിയാൻ.” അതും പറഞ്ഞു സന്തോഷേട്ടൻ ഇരിക്കുന്നിടത്തു നിന്നും എണീറ്റു.

“അതൊന്നും ഓർത്തു ചേട്ടൻ ടെൻഷൻ അടിക്കേണ്ട, ഏത് സാഹചര്യവും ആയി പൊരുത്തപ്പെടാൻ ഞാൻ എന്നെ പഠിച്ചു കഴിഞ്ഞു. ചേട്ടനെയും മോളെയും എനിക്ക് ഇഷ്ടമാ പിന്നെ എന്നും അവിടെ തന്നെ താമസിക്കണമെന്നും ഇല്ലല്ലോ നമുക്ക് വേറെ എവിടേക്കേലും പിന്നീട് മാറി താമസിക്കുവേം ചെയ്യാമല്ലോ..
ഏതായാലും ചേട്ടൻ ആലോചിചിട്ട് പറ “