❤️മായേച്ചി തുറന്ന പറയാൻ മടിച്ച പ്രണയ പുസ്തകം 1 [Garuda] 2032

“”ഞാനാണെങ്കിൽ ഇന്നൊരുപാട് സ്വപ്നം കണ്ടതാ.. എല്ലാം നശിപ്പിച്ചില്ലെടീ ദുഷ്ടേ “” ചിരിച്ചു കൊണ്ടു ഞാൻ പറഞ്ഞു..

“” ഏത് നേരവും അത് തന്നെയാ ചിന്ത “” എന്റെ കയ്യിൽ വീണ്ടും നുള്ളികൊണ്ടവൾ പറഞ്ഞു.

“”നുള്ളി നുള്ളി എല്ലാം പറിച്ചെടുക്കുമോ നീ “” കയ്യിൽ തടവി കൊണ്ട് ഞാൻ ചോദിച്ചു തിരിഞ്ഞപ്പോൾ മായേച്ചിയും കൂട്ടുകാരിയും എന്നെ നോക്കി വാതിലിനടുത്തു നിൽക്കുന്നു.. ഞാൻ സ്വാതിയോട് പറഞ്ഞു അവരുടെ അടുത്തേക്ക് പോയി..

ചേച്ചിയുടെ മുഖത്തു ചെറിയൊരു ചമ്മലുണ്ടെങ്കിലും ഒപ്പമുള്ള കൂട്ടുകാരി ശ്രദ്ധിക്കാതിരിക്കാൻ വേണ്ടി എന്നോട് സംസാരിച്ചു..

“”ഉണ്ണി ഇതാണ് ഞാൻ പറഞ്ഞ ഗൗരി… “”ഞാൻ ഗൗരിയോട് ചിരിച്ചു.

“”വിഷ്ണു എന്നല്ലേ പേര് “” എന്നും പറഞ്ഞു അവളെനിക്ക് കൈ തന്നു.. ഞാനാ കയ്യിൽ പിടിച്ചപ്പോൾ പുറകിൽ നിന്നും സ്വാതി എന്നെ കുശുമ്പോടെ നോക്കുന്നത് എനിക്ക് മനസിലായിരുന്നു.

“”അതെ “” ഞാൻ ചിരിച്ചുകൊണ്ട് മറുപടി പറഞ്ഞു..

“”ഇന്നലെ ഗായത്രിയുടെ ചിത്രം വരച്ചില്ലേ സൂപ്പർ ആയിരുന്നുട്ടോ.. “”

“”ഓഹ് താങ്ക്സ് “”

“”പിന്നെ ഇവൾക്കിതു നിന്നോട് നേരിട്ട് പറയണമെന്ന് പറഞ്ഞു.. അത് മാത്രമല്ല ഇവളുടെ ഒരു ഫോട്ടോ വരക്കണമെന്ന് താല്പര്യമുണ്ട്.. നവ ശ്രീ ആർട്ട് ആൻഡ് കൾച്ചറൽ ഓർഗനൈസേഷന്റെ ഒരു പെയിന്റിംഗ് കോംപ്പീറ്റേഷന് അയച്ചു കൊടുക്കാൻ ഒരു നല്ല ചിത്രം വേണം.. നിനക്ക് അവളെയൊന്നു സഹായിക്കാമോയെന്നു ചോദിക്കാനും കൂടി വന്നതാ “” ചേച്ചി പറഞ്ഞതിൽ കൂടുതലൊന്നും എനിക്ക് മനസിലായില്ല..