കൊടുത്തത്? എനിക്ക് ആ വർക്ക്ഷോപ്പ് എവിടെയാണെന്ന് കൃത്യമായി അറിയില്ല. അതുകൊണ്ട് ക്ലാസ്സ് കഴിഞ്ഞു പോകുമ്പോൾ എന്നെ അവിടെ ഒന്ന് ഡ്രോപ്പ് ചെയ്യാമോ എന്ന് ചോദിക്കാൻ വേണ്ടിയാ അങ്ങനെ പറഞ്ഞത്.”
ഇത് കേട്ടതും എന്റെ ഉള്ളിൽ ഒരു ലഡ്ഡു പൊട്ടി! വൈകുന്നേരം മിസ്സിനെ എന്റെ ബുള്ളറ്റിൽ ഒന്നുകൂടി കിട്ടുമല്ലോ എന്നോർത്തപ്പോൾ എനിക്ക് വല്ലാത്ത സന്തോഷം തോന്നി. ഞാൻ അറിയാതെ ഒന്ന് ചിരിച്ചു പോയി.
എന്റെ ആ അമിതമായ സന്തോഷം കണ്ടപ്പോൾ മിസ്സ് ഒന്ന് അത്ഭുതപ്പെട്ടു. “ഇതിനിപ്പോൾ ഇത്രമാത്രം സന്തോഷിക്കാൻ എന്താ ഉണ്ടായത് ഷാജു?” മിസ്സ് ചിരിച്ചുകൊണ്ട് ചോദിച്ചു.
ഞാൻ ഒട്ടും പതറാതെ മറുപടി കൊടുത്തു, “അല്ല മിസ്സേ… ഒരാളെ സഹായിക്കുക എന്ന് പറയുന്നത് എനിക്ക് വലിയ ഇഷ്ടമുള്ള കാര്യമാണ്.
പ്രത്യേകിച്ച് മിസ്സിനെപ്പോലെ ഒരാളെ സഹായിക്കാൻ കിട്ടുന്ന അവസരം ഞാൻ എങ്ങനെ വേണ്ടെന്ന് വെക്കും? അത് ആലോചിച്ചപ്പോൾ ഉണ്ടായ സന്തോഷമാ.”
എന്റെ ആ മറുപടി കേട്ട് മിസ്സ് നാണത്തോടെ ഒന്ന് തല താഴ്ത്തി പുഞ്ചിരിച്ചു. എന്നിട്ട് ഞാൻ ശബ്ദം ഒന്നുകൂടി താഴ്ത്തി മിസ്സിന്റെ കണ്ണ് നോക്കി പതുക്കെ പറഞ്ഞു, “പിന്നെ മിസ്സേ… രാവിലെ ഞാൻ പറഞ്ഞില്ലേ ഈ ഡ്രസ്സിനേക്കാൾ മിസ്സിന് സാരിയാണ് ചേരുന്നതെന്ന്. അത് ഞാൻ ഇപ്പോഴും തിരുത്തുന്നില്ല… പക്ഷേ, ഒരു കാര്യം പറയട്ടെ, മിസ്സ് ഇന്ന് ഈ മുടി ഇങ്ങനെ അഴിച്ചിട്ടത് കാണാൻ വല്ലാത്തൊരു ചേലുണ്ട് കേട്ടോ. ആ ഒരു മാറ്റം മിസ്സിന്റെ ഭംഗി ശരിക്കും കൂട്ടിയിട്ടുണ്ട്.”
