മഴയത്തു വന്ന മോഹം 7 [Vashalan] 104

പണി പാളിയത്. വർക്ക്‌ഷോപ്പ് അടച്ചിട്ടിരിക്കുന്നു! മിസ്സ് ആകെ പരിഭ്രമിച്ചു. “അയ്യോ ഷാജൂ… ഇതെന്താ അടച്ചിട്ടിരിക്കുന്നത്? ഇനിയിപ്പോ എന്ത് ചെയ്യും?” മിസ്സ് ടെൻഷനായി.

​ഞാൻ ഉടനെ മെക്കാനിക്കിനെ വിളിച്ചു. അയാൾ പറഞ്ഞത് ഇന്ന് ഉച്ചയ്ക്ക് ഒരു വണ്ടി ശരിയാക്കുന്നതിനിടയിൽ അയാൾക്ക് ചെറിയൊരു അപകടം പറ്റി ഇപ്പോൾ ഹോസ്പിറ്റലിലാണെന്നാണ്. മിസ്സിന്റെ വണ്ടി റെഡിയാക്കി വെച്ചിട്ടുണ്ടെന്നും, നാളെ രാവിലെ വന്നാൽ അസിസ്റ്റന്റ് പയ്യനെ കൊണ്ട് വണ്ടി എടുപ്പിച്ചു തരാമെന്നും അയാൾ ഉറപ്പ് തന്നു.

​ഫോൺ വെച്ച് ഞാൻ മിസ്സിനോട് കാര്യം പറഞ്ഞു. മിസ്സ് ആകെ തളർന്നു പോയി. “അയ്യോ… അപ്പൊ ഇന്ന് വണ്ടി കിട്ടില്ലേ? ഞാൻ ഇനി എങ്ങനെ വീട്ടിൽ പോകും? നേരം വൈകിയല്ലോ.”

​ഞാൻ പറഞ്ഞു: “മിസ്സ് എന്തിനാ

ഇങ്ങനെ ടെൻഷൻ അടിക്കുന്നത്? ഞാൻ മിസ്സിനെ വീട്ടിൽ കൊണ്ടാക്കി തരാം.”

​മിസ്സ് ഒന്ന് മടിച്ചു. “അയ്യോ… അത് നിനക്കൊരു ബുദ്ധിമുട്ടാവില്ലേ ഷാജൂ? നിന്റെ വീട് വേറെ എവിടെയോ അല്ലെ? നിനക്ക് ഒരുപാട് ദൂരം യാത്ര ചെയ്യേണ്ടി വരില്ലേ?”

​ഞാൻ ഒരു ചിരിയോടെ ചോദിച്ചു: “മിസ്സേ… ഉച്ചയ്ക്ക് സ്റ്റാഫ് റൂമിൽ വെച്ച് മിസ്സ് എന്നോട് എന്താ പറഞ്ഞത്? ഒരാളെ സഹായിക്കുന്നത് എനിക്ക് വലിയ ഇഷ്ടമുള്ള കാര്യമാണെന്ന് ഞാൻ പറഞ്ഞതല്ലേ? പിന്നെന്താ?”

​മിസ്സ് അത് ഓർത്തപ്പോൾ ഒന്ന് പുഞ്ചിരിച്ചു. എങ്കിലും ഒരു ചെറിയ മടി മിസ്സിന്റെ മുഖത്തുണ്ടായിരുന്നു. ഒടുവിൽ വേറെ വഴിയില്ലാത്തതുകൊണ്ട് മിസ്സ് സമ്മതിച്ചു. “ശരി… എന്നാൽ പോകാം. ഒരുപാട് നന്ദിയുണ്ട് കേട്ടോ.”