റീന മിസ്സ്: “അത് പിന്നെ, ഇന്ന് ക്ലാസ്സിൽ
അവൻ നിന്നെ ചൊറിയാൻ വേണ്ടി വിസ്മയയുടെ കാര്യം പറഞ്ഞപ്പോൾ അവന്റെ മുഖത്തെ ആ കലിപ്പ് കണ്ടാലേ അറിയാം. പിന്നെ അവന്റെ ആ സംസാരം കേട്ടപ്പോൾ അവന് അത് കിട്ടേണ്ടത് തന്നെയാണെന്ന് എനിക്കും തോന്നി. വെറുതെ ഒരാളെപ്പറ്റി ഇങ്ങനെയാണോ സംസാരിക്കുന്നത്?”
മിസ്സ് എന്നെ സപ്പോർട്ട് ചെയ്യുന്നത് കേട്ടപ്പോൾ എനിക്ക് വല്ലാത്തൊരു സന്തോഷം തോന്നി. ഞാൻ പതുക്കെ ചോദിച്ചു.
ഞാൻ: “അപ്പൊ മിസ്സ് വിചാരിക്കുന്നത് ഞാൻ വലിയൊരു തല്ലുകൊള്ളി ആണെന്നാണോ?”
റീന മിസ്സ്: (ഒന്ന് ചിരിച്ചുകൊണ്ട്) “അല്ലടാ… നീ ക്ലാസ്സിലെ ഒരു പ്രശ്നക്കാരനല്ലെന്ന് എനിക്ക് മനസ്സിലായി. നീ പഠിക്കാൻ മിടുക്കനാണ്, അത്യാവശ്യം മര്യാദയൊക്കെയുള്ള കുട്ടിയാണെന്ന്
ബാക്കി ടീച്ചർമാരും പറഞ്ഞു കേട്ടു. ഹിസ്റ്ററി മിസ്സും പപ്പൻ സാറുമൊക്കെ നിന്നെക്കുറിച്ച് നല്ല അഭിപ്രായമാ പറഞ്ഞത്.”
അപ്പൊ സംഗതി സത്യമാണ്! സ്റ്റാഫ് റൂമിൽ ഇരിക്കുമ്പോൾ ടീച്ചർമാർക്കിടയിൽ എന്നെക്കുറിച്ചുള്ള ചർച്ചകൾ നടന്നിട്ടുണ്ട്. മിസ്സ് എന്നെക്കുറിച്ച് തിരക്കിയെന്നറിഞ്ഞപ്പോൾ എന്റെ ഉള്ളിലെ ആത്മവിശ്വാസം ഒന്നുകൂടി കൂടി.
ഞാൻ: “ഓഹോ… അപ്പൊ മിസ്സ് എന്നെക്കുറിച്ച് രഹസ്യമായി അന്വേഷണമൊക്കെ നടത്തുന്നുണ്ടല്ലേ? ഇതറിഞ്ഞതിൽ എനിക്ക് വലിയ സന്തോഷം.”
റീന മിസ്സ്: (എന്റെ തോളിൽ പതുക്കെ ഒന്ന് നുള്ളിക്കൊണ്ട്) “ഓ… നീയത്രയ്ക്ക് അങ്ങ് സന്തോഷിക്കണ്ട. നിന്റെ ആ ഗുണ്ടാ സ്വഭാവം ഒക്കെ മാറ്റാൻ
