മീനത്തിൽ താലികെട്ട് 2 [കട്ടകലിപ്പൻ] 1249

സദ്യ ഉണ്ട ബാക്കിയുള്ള ആബാല വൃദ്ധം ആൾകാർ ചായയും കടിയും ഓർഡർ ചെയ്തപ്പോൾ ഞാൻ മാത്രം ഒരു പടി മുന്നേ എറിഞ്ഞു,

ആദ്യം ചിക്കൻ ബിരിയാണി ആണ് തപ്പി പിടിച്ചതെങ്കിലും,

ഇന്ന് കല്യാണമല്ലേ എന്ന ചേട്ടന്റെ ഒറ്റ ഓര്മപെടുത്തലിൽ ഞാൻ മസാലദോശയിൽ അടങ്ങി.!

അങ്ങേരടക്കമുള്ളവർ പറയുമ്പോഴാണ് ഞാൻ ഇന്ന് കെട്ടിയ കാര്യം ഓർക്കുന്നത് തന്നെ.!

ഇതിനെല്ലാം പോരാതെ, ഓരോ അഞ്ചു മിനിട്ടു കൂടുമ്പോഴും,
ഇനിയെന്തേലും വേണോ.? ഇനിയെന്തേലും വേണോ.? എന്ന് ചോദിച്ചുകൊണ്ട് എന്റെ അമ്മായപ്പൻ പുറകെ.!

അങ്ങേരു എന്നെ ഒരു അഞ്ചു മിനുട്ടു പോലും വെറുതെ വിടുന്നില്ല.!

എന്റെ മട്ടും ഭാവവുമൊക്കെ കണ്ടട്ടു, ഞാൻ ഇറങ്ങി ഓടുമോ എന്ന ഭയം അങ്ങേർക്കുണ്ടോ എന്നുപോലും എനിയ്ക്കു സംശയം തോന്നിത്തുടങ്ങിയിരുന്നു.!

ഭക്ഷണവും എല്ലാം കഴിഞ്ഞു ബില്ലും സെറ്റിലുചെയ്തു ഞങ്ങൾ പിന്നെയും എന്റെ വീട്ടിലെയ്ക്കുള്ള യാത്ര പുനരാരംഭിച്ചു.!
ഇതിനിടയിൽ വീണ എന്നെ പിന്നെയും ഒറ്റയ്ക്ക് വാഷ് റൂമിൽ കിട്ടിയപ്പോൾ എന്തോ പറയാനായി അടുത്തേയ്ക്കു വന്നിരുന്നു.!

ഒന്ന് പോയെടി എന്ന ഭാവത്തിൽ ഞാൻ അപ്പൊത്തന്നെ അവിടെന്നു മുങ്ങി.!

അല്ല ആ സെയിം പല്ലവി കേൾക്കുന്നതിനും ഒരു പരിധിയില്ലേ.!

പക്ഷെ ഇതിനിടയിൽ എനിയ്ക്കു ഒരു ശക്തമായ പിടിവള്ളി കിട്ടിയിരുന്നു.!

എന്റെ അമ്മായച്ചൻ.!

പുള്ളിയെ വീണയ്ക്കു ഭയമോ, ബഹുമാനമോ എന്തെല്ലാമോ ഒക്കെയാണ്,
പുള്ളി പറയുന്നതിന് എതിരായി അവൾ ഒന്നും ചെയ്യുന്നില്ല.!

അങ്ങേർക്കാണേൽ എന്നെയങ്ങു പെരുത്ത് ബോധിക്കുകയും ചെയ്തിരിക്കുന്നു.!

അവളുടെ അടുത്ത് എനിയ്ക്കു കിട്ടിയ ഏറ്റവും നല്ല ആയുധം.! എന്റെ ബ്രഹ്മാസ്ത്രം.!

ശെടാ എന്റെ കാരണവരും എനിക്കിട്ടു പണിയാൻ ഇവൾക്ക് പറ്റിയ ഒരു ആയുധം ആവുമല്ലോ.!?
എന്ന ചിന്ത എന്റെ മനസ്സിൽ അപ്പോഴാണ് ഓടിയത്.!