ഇന്ന് ബസ് സ്റ്റോപ്പിൽ വച്ചു ഞാൻ ഒരു പെണ്ണിനെ കണ്ടു ചേട്ടാ.. സൂപ്പർ…നിനക്കിഷ്ടപ്പെട്ടാ….

ഉവ് ചേട്ടാ…കല്യാണം കഴിക്കുന്നെങ്കിൽ ഇത് പോലത്തെ ഒന്നിനെ കെട്ടണം

നിനക്ക് പ്രൊപ്പോസ് ചെയ്തു കൂടായിരുന്നോ….

നാളെ ആവട്ടെ…

എടാ കാണാൻ കൊള്ളാവുന്ന പെണ്ണു ആണെങ്കിൽ ആളുകൾ കൊത്തി കൊണ്ട് പോകും.

നാളെ എന്തായാലും പ്രൊപ്പോസ് ചെയ്തു നോക്കാം , അല്ല ചേട്ടന്റെ കാര്യം എന്തായി….

എന്താവാൻ…. നാളെയും ഏതോ വീട്ടിൽ പെണ്ണ് കാണാൻ പോണം. നിന്നെയൊക്കെ കാരണമാണ് അല്ലെങ്കിൽ ഞാൻ കുറച്ചു കഴിഞ്ഞേ കെട്ടുള്ളുവായിരുന്നു, ആകെ 28 വയസാണ് ആയത്.

അത് എനിക്ക് ചേട്ടത്തി അമ്മയെ വേണം.എത്ര കാലമായി നമ്മൾ ഈ വീട്ടിൽ ഒറ്റയ്ക്കു കഴിയുന്നു.

മ്…

പറഞ്ഞില്ലല്ലോ…. ഞാൻ അനീഷ്, അനിയൻ അനൂപ്. നമ്മുടെ അച്ഛനും അമ്മയും ഞാൻ പത്തിൽ പഠിക്കുമ്പോൾ ഒരു ആക്‌സിഡന്റിൽ മരിച്ചു. പിന്നെ നമ്മൾ കഷ്ടപ്പെട്ടന് വളർന്നത്. അച്ഛനും അമ്മയും ഒളിച്ചോടിയത് ആയതു കൊണ്ട് ബന്ധുക്കൾ ഒന്നുമില്ല, എന്തായാലും ഞാൻ ഇപ്പൊ കൃഷി ഓഫീസിൽ ക്ലാർക്ക് ആണ്, അനിയൻ ബിടെക് കഴിഞ്ഞു, ബാംഗ്ലൂർ ഒരു കമ്പനിയിൽ ജോലി ചെയ്യുകയാണ്, കുറച്ചു ദിവസത്തെ ലീവിന് വന്നതാണ്, അതിനിടയ്ക്ക്കാണ് ഏതോ പെണ്ണിനെ കണ്ടു ഇഷ്ടമായത്, അവൻ ആദ്യമായാണ് എന്നോട് ഇങ്ങനെ ഒരു കാര്യം പറയുന്നത്,പെണ്ണിനെ അവനു ശരിക്കു ബോധിച്ചിട്ടുണ്ട്, വരട്ടെ അവന്റെ പെങ്കൊച്ചിനെ നാളെ പോയി ഒന്ന് കാണാം.അല്ല ഈ ബസ് സ്റ്റോപ്പിൽ വച്ചു കണ്ട പെണ്ണിനെ നാളെയും കാണാൻ പറ്റുമോ..

ഞാൻ അവനോട് തന്നെ ചോദിച്ചു..

അത് ചേട്ടാ ആ കൊച്ചു ഇവിടത്തെ കോളേജിലാ ഡിഗ്രി ചെയ്യുന്നത്, അത് കഴിഞ്ഞു നമ്മുടെ വിജയൻ സാറിന്റെ മോൾ ലക്ഷ്മിയുടെ കൂടെയ പഠിക്കുന്നത്…

അപ്പൊ മോൻ പെങ്കൊച്ചിനെ ആദ്യമായി അല്ലല്ലോ ബസ് സ്റ്റോപ്പിൽ വച്ചു കാണുന്നത്.

അത് ചേട്ടാ…. വന്ന അന്ന് തന്നെ ഞാൻ ലക്ഷ്മിയുടെ കൂടെ ആ കൊച്ചിനെ കണ്ടു. എനിക്ക് ഇഷ്ടപ്പെട്ടു. ലക്ഷ്മിയാണ് ബാക്കി പറഞ്ഞു തന്നത്.

അതാണ് നിനക്ക് എന്നും എന്നെ വിളിക്കാൻ ഒരു ശുഷ്‌കാന്തി ….

അത്…ചേട്ടാ…

നാളെ ഞായറാഴ്ച അല്ലെ…പിന്നെങ്ങനെ പ്രൊപ്പോസ് ചെയ്യും….

തിങ്കളാഴ്ച ചെയ്യാലോ….

ആ…ശരി…